Parthenope (Mythologie)

Parthenope (ehr Naam bedutt "Jumferngesicht") is een vun de Sirenen ut de greeksche Mythologie. Nadem Odysseus dörtagen weer, verloren de Sirenen for all Tied ehre Töverkraft un verwanneln sik in Felsblöck. Blot man Parthenope stört sik in de See un versuup. Ehr dood Lief spööl an Land un is dor inkuhlt wurrn, wo later de Stadt Neapolis (Neapel) upstahn scholl. De mythische Naam vun Neapel is Parthenope oder Parthenopeia ween. Dor warrt in de Inschrift up den Dichter Vergil sien Graff up anspeelt. 1799 hett düsse Naam en Rull speelt, as in dat Königriek Neapel de Parthenopeesche Republiek utropen wurrn is.