Paradise Canyon

Vun Wikipedia
Zur Navigation springen Zur Suche springen
Filmdaten
Plattdüütsch Titel:
Originaltitel: Paradise Canyon
Düütsch Titel: Feuerwasser und frische Blüten
Produkschoonsland: USA
Johr vun’t Rutkamen: 1935
Läng: 52 Minuten
Originalspraak: Engelsch
Filmkru
Speelbaas: Carl Pierson
Dreihbook: Robert Emmett
Lindsley Parsons (Story)
Produkschoon: Paul Malvern
Musik: William Barber
Kamera: Archie Stout
Snitt: Jerry Roberts
Dorstellers

Paradise Canyon (op plattdütüsch so veel as „Paradies-Slucht“; dt. Titel: Feuerwasser und frische Blüten, ok: Spur des Todes) is de Titel vun en US-amerikaanschen Western ut dat Johr 1935. De Hööftrull speel John Wayne. De B-Movie harr sien Premiere an’n 10. Juli 1935 in de USA[1]. Dreiht weer de Film an verschedene Öörd in’n US-Bundsstaat Kalifornien[2].

Inholt[ännern | Bornkood ännern]

In’n Westen vun de USA an de Grenz na Mexiko is Falschgeld opduukt. In’n Verdacht steiht en Mann, de Carter heet un teihn Johr wegen jüst so en Vergahn in’t Gefängnis seten hett. Nu is he wedder op fre’en Foot un föhrt mit sien Medizin-Show dör de Gegend. Sien dormoligen Kameraad weer dorvun af kamen, vunwegen dat de as Kroontüüg optreden is. John Wyatt, en Beamten vun de Regeren, warrt op den Fall ansett. He folgt de Spoor vun de Medizin-Show, de oogenschienlich nie lang an een Oort blieven kann. Opletzt halt he de lütte Grupp in un ünnerstütt jem mit jemehrn Fohrtüüch, dat kort vör de Staatsgrenz liggen blieven deit, as jem en Koppel vun füünsche Lüüd ut dat letzte Dörp achteran neiht.

In sien Medizin-Show versöcht „Doc Carter“ sien sülvstmischte „Indianer-Medizin“ an’n Mann to bringen. Ünnerstütt warrt he vun sien Dochter Linda un de beiden Entertainers Ike un Mike. Ünner den Naam Rogers lett Wyatt sik vun Carter as Kunstschütt anhüern. Ünnerwegens kummt dat to en Angreep vun en poor Rieders, de de Show doran hinnern wüllt, in de nächste Stadt to kamen. Dor stickt Curley Joe achter, de fröhere Kameraad vun Carter, de dat Falschgeld in Ümloop bringt un nu bang is, dat Carter em opflegen lett. Curly Joe, de vun de mexikaanschen Siet vun de Stadt ut sien Hannel maakt, versöcht Wyatt to besteken, hett dormit aver keen Spood. As he em ok noch drauht, warrt Wyatt eerst recht neeschierig, wat Joe to verbargen hett. Bito bannelt Wyatt ok mit Carter sien Dochter an.

Curly Joe wiest sien Mackers an, de Tokiekers to beklauen. En Deel vun de Büüt leggt he in Carter sien Wagen, üm den Verdacht op em to lenken. Wyatt finnt de Saken aver vörher un lenkt den Verdacht op sik sülvst. Butendem warrt he wies, dat Carter to Unrecht in’t Gefängnis seten hett un nu op de Söök na sien fröheren Kameraad Joe Gale is. Na de Beschrieven warrt Wyatt kloor, dat Curly Joe achter dat Falschgeld steken deit. En eersten Versöök, Jor fasttonehmen geiht in de Büx. Joe neiht ut in sien Versteek, woneem he ok Carter un sien Dochter fangen hollt. As Joe Carter doodscheten will, kann Wyatt jüst noch rechttietig dortwüschen gahn. Mit Hülp vun de mexikaanschen Rurales, de he vörher vun sien geheemen Opdrag vertellt hett, warrt opletzt de hele Bande vun Joe fastnahmen.

Kritik[ännern | Bornkood ännern]

Op Video.de weer to den Film schreven, dat he een vun de middellangen Western weer, de John Wayne in de 1930 johren dreiht hett, vördem he mit Stagecoach (1939) to’n Star worrn is. De Filmen, de in de Reeg ahn grote Anspröök un faken mit wedderhalen Inholt anleggt weern, sünd in de Kinos as dubbel oder dreefack Filmen wiest worrn. Intressant weer de wannern Medicine Show, bi de Wayne as Kunstschütt optreden de.[3]

Borns[ännern | Bornkood ännern]

  1. Premierendaten op IMDb, afropen an’n 23. Februar 2013
  2. Dreihöörd op IMDb, afropen an’n 23. Februar 2013
  3. Filmkritik op video.de, afropen an’n 23. Februar 2013

Weblenken[ännern | Bornkood ännern]