Püttjeree
Püttjeree oder Püttjerie, westf. Pöttkerie, oostfr. ook Pott(je)backeree, westmönsterl. Pottbäckerie, is ene Technik Keramik to maken. Uut Ton oder Leem formt de Pütt(j)er, Pött(k)er oder Pottbacker Saken, de denn dröögt un uplest brennt ward, so dat’t Produkt an’n Enne hard un waterdicht is. In Düütschland heet de offitschele Naam för de Proffesschoon vandage Keramiker.[1][2][3]
Historie[ännern | Bornkood ännern]
De eerste funnen Keramik in Europa – brend Toonfiguren – stammt uut den Jungsteentied. Se Technik soll tofällig upkomen sien, as Minschen wies worden, dat Leem un Toon in’n Füür uuthard. De eersten Keramikfiguten sind över 24.000 Jare oold.[4]
De öldsten kunnigen Keramikpött stammt uut de Hööl Xianrendong in de Volksrepublik China; se stammt uut de Tied twischen 20.000 bet 19.000 v. Chr.[5] Sied den 6. Jaardusend v. Chr. bruken de Minschen in den Negen Oosten Schieven to’n Püttjern. Bemaalt Keramik is in Mesopotamien sied de junsteentidlike Hassuna-Periode bekannt. As üm 4000 v. Chr. wat gauer Püttjerschieven upkemen, het de Massenproduktschoon van Keramik in Mesopotamien anfungen.
Keramikglasuur givt dat sied den 3. Jaardusend in Mesopotamien un Ägypten. De eerste Keramik uut Afrika süüdlik van de Sahara is rund 12.000 Jaren oold un kümt Ounjougou in Mali. In Amerika is Keramik üm 3900 v. Chr. bekannt, in Ozeanien ü 1600 v. Chr.
Männig ene Kultuur in Prähistorie het enen Namen na de Keramik, de se bruken, kregen. To’n Bispeel Bandkeramiker oder Klockenbeker.
Vandage is de Keramikproduktschoon to’n groten Deel ene Industrie. Dat Püttjerhandwark is nu een Kunsthandwark. Nich alleen Olldagskeramik, man ook Keramikskulpturen, Reliefs un Smuck givt dat in velen verscheden Techniken. Kunstvulle Keramikobjekte sind ook in de Bildkunst to finnen.
Weblinks[ännern | Bornkood ännern]
Nawiese[ännern | Bornkood ännern]
- ↑ Ausbildungsberuf Keramiker/in bis 2008, Berufenet Bundesagentur für Arbeit (Memento von’n 17. April 2015 in dat Internet Archive)
- ↑ Ausbildungsberuf Keramiker/in seit 2009, Berufenet Bundesagentur für Arbeit (Memento von’n 17. April 2015 in dat Internet Archive)
- ↑ Steckbrief: Keramiker/in. (PDF; 181 kB) In: berufenet.arbeitsagentur.de. Bundesagentur für Arbeit, 1. Januar 2022, afropen an’n 29. Mai 2022.
- ↑ Keramik – Alltagsgegenstand und Hightech Werkstoff (Archivversion) (Memento von’n 29. Juni 2007 in dat Internet Archive)
- ↑ Xiaohong Wu et al.: Early Pottery at 20,000 Years ago in Xianrendong Cave, China. In: Science. Band 336, Nr. 6089, 2012, S. 1696–1700, doi:10.1126/science.1218643