Otto von Münchhausen (1716–1774)

Vun Wikipedia
Zur Navigation springen Zur Suche springen
Otto von Münchhausen
Landschopspark Schwöbber

Otto Freiherr von Münchhausen (* 11. Juni 1716 in Schwöbber; † 13. Juli 1774 in Calenberg) weer en düütschen Verwaltungsbeamten un Botaniker. Sien offiziell botanisch Schrieverafkörten is „Münchh.

Von Münchhausen is 1716 as öllsten Söhn von Joh. F. von Münchhausen in Schwöbber boren.[1] He hett an de Universität Göttingen von 1735 bet 1738 Juristeree studeert. He hett dat aver nich bi de Juristeree laten un hett ok Naturwetenschoppen un Mathematik studeert. 1741 is he Drost von dat Amt Staarbarg un 1763 Titulär-Landdrost worrn un weer von 1766 bet to sien Dood 1774 as Landdrost tostännig för de Ämter Horborg, Winsen, Willemsborg un Mesborg. He weer siet 1756 ok Land- un Schatzraad von de Calenberger Landschop.

He hett 1750 in Schwöbber (Slott Schwöbber) en acht Hektar groten engelschen Landschopspark anleggen laten. Den olen Slottpark von 1700 hett he dorbi in en Landschopspark na engelsch Vörbild ümwannelt. De Landschopspark gellt as een von de öllsten von siene Oort in Kontinentaleuropa. De Freeherr hett aver weten, dat dat Kunzept von en engelschen Landschopspark sik nich unverännert bi düütsche Verhältnisse anwennen lett:

Man kann fürstliche Gärten nach der Art der englischen Parks anlegen; wenn wir deutschen Edelleute ihnen aber folgen und unsere Güter zu Parks machen wollten, so müßten wir auch so viele tausend Pfund von unsern Plantagen in Westindien zu erheben haben.
O.v. Münchhausen: Der Hausvater, 1. Deel, 3. Oplaag, Hannover, 1771 Sied 2

Sien Book Der Hausvater, dat von 1764 bet 1773 in söss Bänn rutkamen is, is en goornbolich-landweertschoplich Lehrbook. In dat Book gifft dat en Sammlung von Tipps för de Bueree, de dunnmaals veel Beachtung funnen hett, un allgemene Levenswiesheiten. Warken von düsse Soort sünd later Huusvaderliteratur nöömt worrn.

Dat Geslecht Munchausia L. is na em nöömt. De Naam warrt vondaag aver blots noch as Synonym för den Naam Lagerstroemia L. bruukt.

He weer verheiraadt mit Louise Charlotte Freiin von Lichtenstein (1721-1774). De beiden harrn en Reeg Kinner, ünner annern Elisabeth Dorothee Justine (1749-1831), Otto Friedrich Julius (28. April 1753-4. April 1828; weer Drost) un Sophie Charlotte Johanne (1755-1830).

Footnoten[ännern | Bornkood ännern]

  1. Carl Leisewitz: Münchhausen, Otto Freiherr v. In: Allgemeine Deutsche Biographie (ADB). Band 23, Duncker & Humblot, Leipzig 1886, Sied 7