Opel 4/8 PS

Vun Wikipedia
Opel „Doktorwagen“

De Opel 4/8 PS oder bekannter as Doktorwagen is en Automobil vun de Adam Opel KG. An den Upstieg vun dat Ünnernehmen to den gröttsten Automobilhersteller vun Düütschland harr de Typ en grooten Andeel.[1] Dat Auto wurr van 1909 bit 1910 baut.

Fohrtüüch[ännern | Bornkood ännern]

De Opel 4/8 PS wurr speziell för den Middelstand baut. De Tweesitter weer in’n Vergliek to anner Autos un disse Tiet lütt un wendig un wurr vun völ Dokters för Huusbesöök bruukt, wordör he gau de Ökelnaam „Doktorwagen“ kreeg. De günstige Pries vun 3950 Mark[2] hett hüm to en bannig spoodriek Modell maakt.

De Opel Doktorwagen weer de eerste PKW von Opel, de den Opel-Schrifttoog up den Köhler droog.[3]

Dat Auto harr en Radstand vun 2130 mm, en Längt vun 5300 mm un dat Gewicht bedroog 525 kg.

Opel hett för den Typ 4/8 PS mit Utseggen as „einfachster Mechanismus“, „leichteste Handhabung“ un vör allen: „ohne Chauffeur zu benutzen“ för dat Auto wurben.[4]

Motoriseeren[ännern | Bornkood ännern]

De Opel 4/8 PS wurrd dör en waterköhlten Veerzylindermotor mit en Hubruum vun 1029 cm³ andreeven. De Leistung bedrocht 8 PS. Dat Fohrtüüch reckt dormit en Hööchstgeschwindigkeit vun 60 km/h. Dat weer för de dormalige Tiet licht noog. Schlecht Straaten un fehlend Verkehrsregeln leeten faken gar kien höhger Tempo to.

Weblinks[ännern | Bornkood ännern]

Opel 4/8 PS. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. afroopen an‘ 29. April 2021
  2. http://www.motorpress.de/content.php?cid=A497aeb148c872&catId=C436f6322cf14f
  3. afropen an’n 29. April 2021
  4. afropen an’n 29. April 2021