Ool Dörp

Vun Wikipedia

Dat Ole Dörp is de Naam för de Överresten von en Wallanlaag bi Groot Thun in’n Süüdwesten von Stood.

Dat Ole Dörp liggt op’n höögsten Punkt von de Wischen langs de Swing op en Rebeed von so bi 90 × 70 Meter. Dor stött de Geest an de Swing. Anners as bi de Swedenschanz, de so bi 450 Meter in’n Noorden liggt, is de Wallanlaag kumplett afdragen. Dat Rebeed liggt en lütt beten höger as de Ümgegend un is von’n Buur Fred Winter as Peerkoppel bruukt worrn. Binnen sünd Nablievsel von en ole Siedlung funnen worrn, so as Postenlöcker, Kuhlen un Avens. De Wall weer maal teihn Meter breed.

Dat Stück Land hett bi de Lüüd in de Ümgegend al jümmer dat ole Dörp heten. Dat weer en Henwies för de Archäologen, dat dor en ole Siedlung to finnen is. Ok Pottschören ut de Tied von 700 bet 1000 n. Chr. sünd dor al fakener funnen worrn. 2009 hebbt se dorüm bi de Swedenschanz un dat Ole Dörp dat Eerdmagnetfeld geophysikaalsch ünnersöcht.


Koordinaten:53° 34′ N, 9° 27′ O