Omer Simeon

Vun Wikipedia

Omer Simeon (* 21. Juli 1902 in New Orleans, Louisiana; † 17. September 1959 in New York City) weer en US-amerikaansch Klarinettist un Saxophonist.

Leven[ännern | Bornkood ännern]

1914 truck Omer Simeon mit sien Familie vun New Orleans nah Chicago. He nehm dor Ünnerricht bi Lorenzo Tio jr., de ok nah Chicago översiedelt weer. He speel in de Grupp vun sien Bröer, den Al Simeons Hot Six. Dorup folg en Engagement in Charlie Elgars Creole Orchestra 1923 bit 1927. 1928 gung he nah New York City un speel mit Luis Russell un Jelly Roll Morton, gung aber noch in dat sülvige Johr nah Chicago torüch, um mit Erskine Tate in de sien Orchester to spelen. 1931 keem he in dat Earl Hines Orchestra wo he bit 1941 bleev. Van 1942 bit 1950 speel he in dat Jimmie Luncefords Orchestra. He hett Dixieland-Upnahmen mit Kid Ory sien Creole Orchestra 1944 un 1945 as ok mit Wilbur de Paris un sien Band makt.

1959 is he an Krebs storven.

Weblenken[ännern | Bornkood ännern]