Prunkpoort
(wiederwiest vun Ollanner Door)
En Prunkpoort is en besünners riek utstaffeerte Poort, de faken an de Hoffinfohrten von Ollanner Buurnhööv steiht. Wegen de goden Maschboddens weren de Maschbuurn in Olland in’n Vergliek temlich riek. Dat hebbt se ok wiest un jemehr Hüüs un Hööv besünners riek utsmückt, ünner annern mit de Prunkpoorten.
De Prunkpoort von dat Huus Nincoper Straat 45 in Neefeld is as Kulturdenkmaal in Hamborg schuult (List von de Kulturdenkmaals in’n Hamborger Bezirk Horborg).
En annere Prunkpoort von 1791, de ut Twielenfleet stammt, steiht vondaag in dat Museum op de Insel in Stood.
