Oleksij Ajdarow

Vun Wikipedia
Zur Navigation springen Zur Suche springen

Oleksij Ajdarow (ukrainsch: Олексій Айдаров; wittrussisch Аляксей Айдараў / Aljaxej Ajdarau; russisch Алексей Петрович Айдаров/ Alexei Petrowitsch Aidarow; * 15. November 1974 in Swerdlowsk) is en in de Russischen SSR boren Biathlet, de tonächst för Wittrussland aktiv weer un nahderhen för de Ukraine antreeden is.

Oleksij Ajdarow weer to sien aktiv Tiet Sportsuldat un leevt in Minsk. He bedreev den Biathlonsport siet 1984 un sien Vereen weer Dinamo Minsk Biatlon an. Sien eersten Upträe in' Biathlon-Weltcup harr he för Wittrussland startend 1994 bi en Eenzel in Bad Gastein, wo he glieks up den 12. Platz keem. Bannig gau kunn he sück in' Weltcup en Naam verschaffen un hett sück immer wieder verbeetert. 1996 in Östersund keem he in dat Eenzel mit Platz 8 eerstmals ünner de best Teihn. Sien eersten Weltcupsieg fier he 1997 bi en Verfolgung in Lillehammer, in de he vun Platz 10 ut start weer (vör Halvard Hanevold un Pawel Iljitsch Muslimow). In de folgen Saison wunn he nochmals en Weltcup, dit Mal en Sprint in Ruhpolding (vör Sylvest Glimsdal un Fredrik Kuoppa). Ajdarow sien beste Saisons weern 1997/98 un 1998/99, wo he up Platz 13. un 12. in' Gesamtweltcup keem.

Afsehn vun 2005 nehm he van 1995 bit 2007 an all Biathlon-Weltmeesterschapen deel. Trotz good Platzeeren as en fievten Platz 2000 an' Holmenkollen in' Eenzel oder en achten Platz in Sprint un Platz 7 in de Verfolgung bi de Titelkämpe vun Kontiolahti 1999 kunn he nie en Eenzel-WM-Medaille winnen. In Kontiolahti wurr he aber mit de Staffel Weltmeester, 2001 in Pokljuka wunn he Sülver un 1996 in Ruhpolding un 2003 in Chanty-Mansijsk Bronze, immer mit de wittrussisch Staffel. Bi de Biathlon-Weltmeesterschapen 2007 in Antholz is he eerstmals för de Ukraine antreeden un keem mit de Staffel up en achten Platz.

Tweemal is Ajdarow bi Olympisch Winterspelen antreeden. 1998 in Nagano wunn he Bronze in' Eenzel (achter Halvard Hanevold un Pieralberto Carrara) un verpass mit de Staffel up Rang 4 en wiedere Medaille blots knapp. Veer Johr later in Salt Lake City weern sien best Ergevnisse Platz 17 in' Eenzel un Platz 8 mit de Staffel.

Weblenken[ännern | Bornkood ännern]