Nomen

Vun Wikipedia
Zur Navigation springen Zur Suche springen

Dat Woort Nomen (v. latiensch nomen, Gen. nominis, „Naam“, Pl. Nomina, ok Nomen; up Plattdüütsch an’n besten Naamwoort) warrt in veele Grammatik-Böker för de School övereen bruukt mit dat Woort Substantiv. In de Spraakwetenschop weert ünner Nomen ganz allgemeen de Aarten vun Wöör verstahn, de een deklineren kann. Dat sünd nich bloß de Substantiven, man ok de Adjektiven. Dor blifft de Wetenschop mit in de Footstappen vun de latiensche Grammatik. Mit een Substantiv (lat. nomen substantivum) is denn man bloß de eene Woortaart vun de Naamswöör mit meent, in'n Ünnerscheed to dat Adjektiv (lat. nomen adjectivum). Ofschoonst ok de Pronomina deklineert weern könnt, weert se doch för sik nahmen.

Kiek ok nah bi Plattdüütsche Grammatik.