Ne’e Au
| Ne’e Au | |
|---|---|
| Laag | Bremerhoben |
| Stroomsystem | Werser |
| Läng | 6 km |
| Born | bi de Batteriestraat in Leh |
| Münn | bi Weddewarden in’n Wallsgroov |
De Ne’e Au is en söss Kilometer langen Beek in Bremerhoben.
Ehren Utgangspunkt hett se an de Batteriestraat in Leh. Von dor flütt se na Noorden un billt den Ausee, de dör en Wehr opstaut is. De Ne’e Au böögt denn bi Speckenbüttel na Noordwest af. In’n Noordoosten von Weddewarden münnt se över en Schöppwark in’n Wallsgroov, de kort later in de Werser münnt.
De Ne’e Au is en künstlichen Waterloop. Se is eerst anleggt worrn, nadem de ole Au in Leh in Röhren leggt worrn is. De ole Au is na Süden flaten, nich na Noorden. De Born von de ole Au leeg bi de Wuster Straat un den hüdigen Ausee. Von dor is se na Süden flaten bet na’n Süden von de Rickmersstraat un na Süüdoosten üm denn bi de Warftstraat in de Geest to münnen.