Navalia

Navalia (ooldgreeksch Ναυάλια Navália) is en Oort (πόλις pólis oder oppidum), den de ooldgreeksche Claudius Ptolomäus in siene Geographikè Hyphégesis up de Kaart vun Germanien angeven het. De Naam bedüdt up Latiensch ‘Dock’ oder ‘Warft’.

Laag

Ook wenn Ptolemäus de Koordinaten angivt, is unklaar wat sien Nullmeridiaan weer. So sünd de Koordinaten nich akkraat to interpreteren. Ook wegen mööglichen Fehlers bi’t Afschrieven is dat nich klaar, of Verlaat up de Koordinaten is. De exakte Positschoon blivt so unseker.

In’n Verloop vun de Tied geev dat verscheden Annamen wo Navalia liggen kunn. De enen weren sik vermoden, dat de Naam mit den Stroom Nabalia tohoophangt, den Tacitus in siene Historiae beschrivt. Vundaag denkt Forscherlüüd, dat de Annaam sachtens falsch is. Eerdaags weren sik Forscherlüüd vermoden, dat de de Oort vunwegen de Laag dicht bi de Küsten in de hüdigen Nedderlannen, in'n Norden vun de Rhien liggt. Isaak Tirion meen Navalia weer de röömsche Naam för de lüttje Stadt Gällemuden in Oaveriessel. Man klare Beweisen givt dat daar nich för. Maurits Gysseling dach an den Oord Vechten in de utrechtsche Gemeen Bunnik. 2010 stellen Forscherlüüd de Annaam up, dat de Oort dicht bi de düütsche Stadt Essen weer. Na Gerhard Steinborn un Peter Opitz eer Ünnersöök uut den Jahr 2015 weer Navalia een Oort dicht bi dat nedderlandsche Arnem.