Morten Peter Meldal
Morten Peter Meldal (* 16. Januar 1954) is en däänsch Chemiker. Hüm wurr 2022 gemeensam mit Carolyn Ruth Bertozzi un Karl Barry Sharpless de Nobelpries för Chemie tospraaken. Würdigt wurr dorbi sien grundleggend Forschung to de Click-Chemie. De grundleggend Idee to de Click-Chemie – den mögelst eenfachen, gauen un effizienten Upbau vun in de Natur vörkommen Reaktschonen, de vun Meldal un annern mit den Upbau vun Architekturen mit eenfach Lego-Bausteenen vergleeken wurr – wurr 2000 vun Sharpless leggt. Meldal un Sharpless funnen aber bald dorup de meest verbreedt Reaktschoon vun de Click-Chemie, de Kopper-katalyseert Azid-Alkin-Cycloaddition (kiek ünnern).[1]
Leven[ännern | Bornkood ännern]
Meldal hett Chemieingenieurwesen an de Technische Universität Däänmark (DTU) studeert, an de he 1980 sien Masterafsluss kreeg un 1983 över Synthese vun Oligosacchariden sien Doktertitel. As Post-Doktorand weer he an de Universität Cambridge an dat MRC Laboratory of Molecular Biology. 1996 wurr he Perfesser an de Technisch Universität Däänmark. Buterdem hett he af 1988 dat Solid Phase Organic Combinatorial Chemistry Center an dat Carlsberg Laboratorium mit den Rang vun en Perfesser leit. 2004 kreeg he en Honorarprofessur in de Pharmazie-Afdeelen vun den Universität Kopenhagen. 2011 wurr he Perfesser för Nanochemie an dat Nano Science Center vun de Universität Kopenhagen.[2]
Wark[ännern | Bornkood ännern]
De bekanntste Leistung vun Meldal is de Entwicklung vun de in de Click-Chemie bedüüdend kopperkatalyseerte Azid-Alkin-Reaktschoon (copper-catalyzed azide-alkyne cycloaddition, CuAAC). He hett de Reaktschoon to de Modifikatschoon vun Proteinen un to’n Upbau vun Polymerarchitekturen bruukt, vergliekbar nah sien eegen Wöör mit molekularem Lego. Sien Hööftteel is de Synthese vun Peptiden un modifizierten Proteinen (Enzymen) ut eenfach Bausteens. Vun hüm stammen ok wiedere nee Synthesemethoden, so up Basis vun N-Acyl-Iminiumionen.
Meldal hett (Stand Oktober 2019) luut de Datenbank Scopus en h-Index vun 56,[3] luut Publons vun 54.[4]
Utteknungen[ännern | Bornkood ännern]
- 2009 Ralph F. Hirschmann Award in Peptide Chemistry[5]
- 2011 Vincent du Vigneaud Award
- 2019 Clarivate Citation Laureate[6]
- 2022 Nobelpries för Chemie
- Liddmaat vun de Königlich Däänsch Akademie vun de Wetenschapen[7]
Weblinks[ännern | Bornkood ännern]
Enkeld Nahwiesen[ännern | Bornkood ännern]
- ↑ Nobelpreis für Chemie 2022, Website vun de Nobelstiftung
- ↑ Morten Meldal is the new professor in nanochemistry, Nano Science Center, 7. Februar 2011
- ↑ Meldal, Morten. Scopus, afropen an’n 6. Oktober 2019 (engelsch).
- ↑ Morten Meldal's Publons profile. Afropen an’n 6. Oktober 2019 (engelsch).
- ↑ Ralph F. Hirschmann Award in Peptide Chemistry. Afropen an’n 6. Oktober 2019 (engelsch).
- ↑ The Web of Science Group Reveals Annual Citation Laureates of ‘Nobel Class’. In: Clarivate Analytics. 24. September 2019, afropen an’n 6. Oktober 2019 (engelsch).
- ↑ Royal Academy. Afropen an’n 6. Oktober 2019.