Middeljura

Vun Wikipedia
Ärathem
Ära
System
Periood
Serie
Epoch
Stoop
Öller
≈ Öller (Mya)
M
E
S
O
Z
O
I
K
U
M
höger höger höger jünger
Jura Böverjura Tithonium 152,1–145
Kimmeridgium 157,3–152,1
Oxfordium 163,5–157,3
Middeljura Callovium 166,1–163,5
Bathonium 168,3–166,1
Bajocium 170,3–168,3
Aalenium 174,1–170,3
Ünnerjura Toarcium 182,7–174,1
Pliensbachium 190,8–182,7
Sinemurium 199,3–190,8
Hettangium 201,3–199,3
deeper deeper deeper öller

De Middeljura is in de Chronostratigrafie de middlere Serie vun’t Jura. In de ölleren Literatur, un vundaag noch deelwies in de populärwetenschopplichen Literatur, warrt disse Serie faken ok as Dogger un Brunen Jura betekent. In’n Süüddüütschen Jura warrt de Begreep Bruun Jura in’n Rahmen vun de lithosstratigraafschen Indeelen (in’n Sinn vun en Koppel vuin Formatschonen) wieter bruukt. Ok de Begreep Dogger warrt för’t lithograafsche Ünnerdeelen in’n Noorddüütschen Jura noch wieter bruukt. De Serie vun’n middleren Jura warrt vun de Serie vun’n Ünnerjura ünnerlagert un na baven hen vun’n Böverjura aflöst. De Middeljura ümfaat dorbi ruchweg de Tiet vun 175,6 Millionen bit 161,2 Millionen Johren vör hüüt.

Öllere Beteken[ännern | Bornkood ännern]

De Beteken Brunen Jura oder Dogger, de in öllere Literatur noch bruukt worrn is, is nich richtig, vunwegen dat hier twee verschedene stratigraafsche Indeelen (Chronostratigrafie und Lithostratigrafie) mitenanner vermischt warrt. De litostratigraafsche Eenheit vun’n Brunen Jura in Süüddüütschland is vör allen vun de iesenbargen brunen Sandstenen un Tonen prägt. De Aflagern vun dissen Brunen Jura sett aver al vör’n Anfang vun’t Middeljura in un reckt in wiete Deelen vun’n Süüddüütschen Jura bit düütlich in’n Böverjura rin. De Bedüden is dorüm nich nipp un nau dat glieke as de chronostratigraafsche Serie.

De Begreep Dogger stammt dorgegen ut de engelschen Steenbrookindustrie. He is vundaag in de Form vun’n Noorddüütschen Dogger provisoorsch för en lithostratigraafsche Grupp in’n MIddeljura vun Noorddüütschland reserveert. Man, wanneer de Grenzen vun’n Noorddüütschen Dogger nipp un nau sünd un woans de Begreep vun de lithostratigraafsche Eenheit in Middel- un Noorddüütschland to bruken is, doröver is noch nich dat letzte Woort fallen[1].

Ünnerdeelen[ännern | Bornkood ännern]

De Serie vun’n Middeljura warrt in de nafolgen chronostratigraafschen Stopen indeelt:

  • System: Jura (199,6 – 145,5 Mio. Johren)
    • Serie: Böverjura (161,2 – 145,5 Mio. Johren)
    • Serie: Middeljura (175,6 – 161,2 Mio. Johren)
    • Serie: Ünnerjura (199,6 – 175,6 Mio. Johren)

Deerriek[ännern | Bornkood ännern]

In’n Middeljura weer dat Klima warm. As in’n helen Jura, sünd Ammoniten bedüden Leddfossilen. Mit jemehr Help warrt de wietere fiene biostratigraafsche Ünnerdeelen vun de Stopen fastleggt. In’n Middlere un Böveren Jura sünd de eersten Eerdkrüpers entstahn.

Literatur[ännern | Bornkood ännern]

  • Friedrich August Quenstedt: Der Jura. Verlag Laupp, Tübingen 1856-57.
  • Zum Ober-Bathonium (Mittlerer Jura) im Raum Hildesheim, Nordwestdeutschland - Mega- und Mikropaläontologie, Biostratigraphie. In: Geologisches Jahrbuch Reeg A Heft 121. Hannober 1990.
  • Gert Bloos, Gerd Dietl & Günter Schweigert: Der Jura Süddeutschlands in der Stratigraphischen Tabelle von Deutschland 2002. Newsletters on Stratigraphy, 41(1-3): 263-277, Stuttgart 2005 ISSN 0078-0421
  • Felix Gradstein, Jim Ogg, Jim & Alan Smith: A Geologic timescale. Cambridge University Press 2005 ISBN 9780521786737

Borns[ännern | Bornkood ännern]

  1. Eckhard Mönnig: Der Jura von Norddeutschland in der Stratigraphischen Tabelle von Deutschland 2002. Newsletters on Stratigraphy, 41(1-3): 253-261, Stuttgart 2005

Weblinks[ännern | Bornkood ännern]