Michael Rüping

Vun Wikipedia
Wesseln na: Navigatschoon, Söök

Michael Rüping (* 4. Januar 1951) is en ehmalger düütsch Springrieder un Springutschussliddmaat vun dat DOKR.[1]

He hett eenmal dat Düütsch Spring Derby in Hamborg-Klein Flottbek wunnen un mehrere Natschonenpries-Siege mit de düütsch Equipe.

Karriere[ännern | Bornkood ännern]

He weer as Sportsuldat an de Bundswehrsportschool in Warnduorp statschoneert un hörr dor to de eerst rieden Suldaten. [2]

In' Team mit Paul Schockemöhle, Achaz von Buchwaldt un Gerd Wiltfang wunn he bi de Springrieder-Europameesterschap 1983 in Hickstead Bronze. Twee Johr later hett he dat in Dinard, ditmal mit de Mannschap (Rüping, Schockemöhle, Peter Luther, Franke Sloothaak) noch mal schafft. In dat sülvig Johr wurr Rüping ok Düütsch Meester un wunn in den Grooten Pries vun Aken.

1987 wunn he mit Silbersee dat traditschonsriek Springderby in Hamborg-Klein Flottbek, en vun de ansprööksvullsten Springriedertturniere up de Welt.

Michael Rüping kreeg 2000 den „Hansepferd-Erinnerungspreis 2000“, de hüm vun de Senater för Weertschap, Dr. Thomas Mirow, övergeven wurr.[3]

Van 1971 bit 1977 hett Michael Rüping in Kiel Medizin studeert. 1979 hett he sien Doktertitel kreegen. Siet 1992 is he Deelhaber vun en Gemeenschapspraxis.

Privates[ännern | Bornkood ännern]

Michael Rüping is de Vader vun Springrieder Philip Rüping[4], mit de he up de Anlaag vun FN-Präsident Breido Graf zu Rantzau jung Peer för den Grooten Sport utbildt.

An’ 13. August 1982 hett he sien Ehefru Eva-Maria heiraadt, Wiel se an en Freedag, den 13. heiraaten wull, Rüping aber all bi dat Turnier in Kopenhagen meld harr, sünd se wiels dat Turnier nah Itzehoe fohren, leeten sück dor standesamtlich truen un sünd glieks dornah weer nah Kopenhagen fohren. Een Stünn nah hör Ankunft dor fung dat Springen an, dat Michael Rüping wunnen hett.

Peer[ännern | Bornkood ännern]

Sien bedüüdenst Peer weern de dree Holsteener Hingsten Silbersee, Calypso II un Caletto I. Ok den later vun Michael Whitaker un Jos Lansink internatschoonal vörstellten Hingst Calvaro Z is vun Rüping in den Sport brocht wurrn.[5]

Rüping un de Holsteener Verbandshingst Silbersee weern en vun de spoodriekst Paaren vun de 1080er Johren, de beid harrn tüschen de Johren 1982 un 1988 hör Glanztiet. 1987 hett dat Paar Rüping/Silbersee bi dat Springderby in Hamborg-Klein-Flottbek wunnen. Bald nah den Derbysieg in Hamborg wurr Silbersee nah Schweden verköfft un de Leistungssportkarriere vun Rüping gung to Enn’.

Van 1981 bit 1986 weer he mit Caletto I spoodriek up Turnieren. Ünner Rüping weer de Cor de la Bryeré-Sohn 1983 dat spoodriekst Natschonenpriespeerd, as ok dat spoodriekst Springpeerd bi den CSIO in Genf. Bit 1986 hett Caletto I en Gewinnsumme vun DM 100.000,- winnen kunnt.

Enkeld Nahwiesen[ännern | Bornkood ännern]

  1. Hongkong-Manipulationen: „Landesfürsten“ begehren auf, FEI-Kommission weist Lügen nach (2009)
  2. www.wpsv.de: Artikel över Manfred Schlüsselburg, Württembergischer Pferdesportverband
  3. Hansepferd Erinnerungspreis
  4. Auf den Spuren des Vaters (2007)
  5. Calvaro Z, stallions-online.net