Michael Whitaker

Vun Wikipedia
Zur Navigation springen Zur Suche springen
Michael Whitaker, CSI 5* Wiesbaden 2013

Michael Whitaker (* 17. April 1960) is en britisch Springrieder. He leevt in Nottingham un bedrifft dor en Turnierstall.

Karriere[ännern | Bornkood ännern]

Whitaker fung mit söben Johr an, up Ponys to rieden, mit sössteihn hett he sien eerst internatonale Prüfungen reeden un mit twintig Johr wurr he de bit dorhen jüngste Winner vun dat berühmt Hickstead Derby.

In' September 1993 övernehm he vun sien Bröer John Whitaker de Führung vun de Weltranglist.

Whitaker is för sien untrüglich Geföhl för stuur Peer un för sien ökonomischen Rietstil bekannt. Wiederhen gellt he to de Rieders, de to de Rekord-Deelnehmers bi Europameesterschapen un Weltcup-Springen tellt.

In' Februar 2012 befunn he sück up Platz 24 vun de Springrieder-Weltranglist.[1]

Privatleven[ännern | Bornkood ännern]

Whitaker hett mit sien Ex-Fru Veronique dree Kinner (Jack, Molly und Katie Jane), leevt intüschen aber mit sien nee Fru Melissa tosommen. Bit Sömmer 2010 leev un traineer sien Neffe William Whitaker bi hüm, nah en Meenensverscheedenheit is de aber in de Shaw Stud Farms dicht bi Telford wesselt.[2]

Doping[ännern | Bornkood ännern]

2009 wurr Whitaker wegen en positiv Dopingproov vun sien Peerd Tackeray veer Maand lang sparrt. In de Proov, de in' Mai bi dat Turnier in La Baule nommen wurrn weer, wurr de Substanz Altrenogest nahwiest, de bi Hingsten un Wallachen as Doping instoopt wurrd. Whitaker hett denn dat Apenmaken vun de B-Proov verlangt, de aver ok positiv weer. Whitaker hett dat denn sülvst dormit begrünnt, dat wohrschienlich de Futteremmer vun Tackeray mit de vun sien Stute Wonami van den Aart verwesselt wurrn weer, wodör de funnen Substanz in den Körper vun Tackeray keem (bi Stuten is Altrenogest, dat to Ünnerdrücken vun de Rosse führt, blots as Medikatschoon klassifizeert, för dat Turnier in La Baule leeg en Genehmigung vun den Turnierveterinärs to'n Insatz vun dit Middel vör).[3] Upgrund vun en Regelung vun de British Olympic Association weer he somit för all nahfolgen Olympisch Spelen sparrt ween. Dorgegen hett he Wedderspröök inleggt un de wurr denn wegen „düütlich milderne Umstännen“ stattgeven.[4][5] Somit weer Whitaker för de Olympisch Spelen 2012 in London startberechtigt.

Spood[ännern | Bornkood ännern]

  • 1984: Sülvermedaille bi de Olympisch Spelen in Los Angeles mit Overton Amanda
  • 1985: Team-Goldmedaille bi de Europameesterschap mit Warren Point
  • 1986: Team-Sülvermedaille bi de Weltmeesterschap in Aken mit Warren Point
  • 1987: Team-Goldmedaille bei der Europameisterschaft in St. Gallen mit Overton Amanda
  • 1989: Team-Goldmedaille un Eenzel-Sülvermedaille bi der Europameesterschap in Rotterdam mit Mon Santa
  • 1990: Team-Bronze bi de Weltriederspelen in Stockholm mit Mon Santa
  • 1991: Team-Sülvermedaille bi de Europameesterschap in La Baule mit Mon Santa
  • 1993: Team-Sülvermedaille un Eenzel-Bronze bi de Europameesterschap in Gijon mit Midnight Madness
  • 1994: Platz 3, Weltcup-Finale in 's-Hertogenbosch mit MidMadness
  • 1995: Team-Sülvermedaille bi de Europameesterschap in St. Gallen mit Two Step
  • 1997: Team-Bronzemedaille bi de Europameesterschap in Mannheim mit Ashley
  • 2001: Platz 3, Weltcup-Finale in Gothenburg mit Handel II
  • 2005: Platz 2, Weltcup-Finale in Las Vegas mit Portofino 63
  • 2007: Team-Bronzemedaille bei de Europameesterschap in Mannheim mit Portofino 63
  • 2012: Platz 1, Groot Pries vun Aken, mit Amai

Weblenken[ännern | Bornkood ännern]

Commons-logo.svg Michael Whitaker. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. aktuelle FEI-Weltrangliste Springreiten
  2. Sporttelegramm van' 19. August 2010, horseweb.de
  3. www.equi-news.de: Michael Whitaker: 4 Monate Dopingsperre, 29. September 2009
  4. www.equi-news.de: Michael Whitaker möglicherweise “out of Olympics forever”, 3. Oktober 2009
  5. www.equi-news.de: Michael Whitaker darf doch wieder bei Olympia starten, 17. März 2010