Memorial (Minschenrechtsorganisatschoon)
De Internatschonale Sellschopp för historsch Upkloren, Minschenrechte un soziale Fürsorge „Memorial“ (russisch: Международное историко-просветительское, правозащитное и благотворительное общество «Мемориал»|Meschdunarodnoje istoriko-proswetitelskoje, prawosaschtschitnoje i blagotworitelnoje obschtschestwo „Memorial“), kört Memorial International, is en internatschonale Minschenrechtsorganisatschoon. Hör Hööftsitt weer in Moskau. Hör angledert sünd över 80 dezentral ageerend regionale Minschenrechtsorganisatschonen in ganz Russland, wiederen postsowjeetsch Staaten un anner Deelen vun Europa, ok in Düütschland.[1]
Swoorpunkte sünd de historsch Uparbeiten vun politisch Gewaltherrschap, dat Intreeden för dat Inhollen vun Minschenrechte un de soziale Fürsorge för de Överlevenden vun dat sowjeetsch Arbeitslagersystem (Gulag). De in‘n Januar 1989 grünnd Minschenrechtsorganisatschoon wurr för hör Insetten mit talllriek Utteknungen bedocht, dorünner 2004 mit den alternativen Nobelpries (Right Livelihood Award). An‘n 7. Oktober 2022 wurr Memorial de Freedensnobelpreis tospraken. An den sülvigen Dag hett en Moskauer Gericht de Beslagnahm vun Memorial-Büros anordnet.[2][3]
In‘n November 2021hett de russischn Staatanwaltschap beandraagt, Memorial un hör regional in Russland aktiven Inrichtungen uptolösen.[4][5] Dat Böverste Gericht hett de Uplösung sluutend an’n 28. Dezember 2021 verfügt.[6] De unafhängigen Inrichtungen vun Memorial buterhalv vun Russland bestaht wiederhen.
Literatur
[ännern | Bornkood ännern]- Evgenija Lezina: Memorial und seine Geschichte. Russlands historisches Gedächtnis. In: Osteuropa, 11-12/2014, ISBN 978-3-8305-3351-1, S. 165–176 (pdf).
- Irina Ščerbakova: Memorial unter Druck. Techniken des repressiven Staates in Russland. In: Osteuropa, 3–4/2020, S. 215–228.
- Memorial. Dokumentationen, Interviews, Kommentareinschätzungen und Umfragen zur erwarteten Auflösung, Rolle und Geschichte in Russland. Russland-Analysen Nr. 411, 16. Dezember 2021.
Weblinks
[ännern | Bornkood ännern]
Memorial (society). Mehr Biller, Videos oder Audiodateien to’t Thema gifft dat bi Wikimedia Commons.
- Memorial International Website (engelsch)
- Memorial Deutschland Website (düütsch)
- Manuela Putz: Memorial, in: dekoder.org, van‘n 24. November 2021, afropen an’n 29. Dezember 2021.
Enkeld Nahwiesen
[ännern | Bornkood ännern]- ↑ Home. Afropen an’n 5. April 2022.
- ↑ Beschlagnahmung von Memorial-Büros angeordnet tagesschau.de, van‘n 7. Oktober 2022
- ↑ Russisches Gericht entzieht Memorial Gebäude. In: FAZ. 8. Oktober 2022, afropen an’n 8. Oktober 2022.
- ↑ Solidarität mit russischer Nichtregierungsorganisation Memorial. In: DW.com (Deutsche Welle). 14. Dezember 2021, afropen an’n 16. Dezember 2021.
- ↑ Reinhard Veser: Ein Verbot mit großer Symbolwirkung. In: FAZ.net. 12. November 2021, afropen an’n 28. Dezember 2021.
- ↑ Memorial: Moskau löst Russlands bekannteste Menschenrechtsorganisation auf. In: Der Spiegel. 28. Dezember 2021, afropen an’n 28. Dezember 2021.