Maurice Utrillo

Vun Wikipedia
Suzanne Valadon: Porträt Maurice Utrillo, 1925

Maurice Utrillo (* 26. Dezember 1883 in Paris; † 5. November 1955 in Dax) weer en franzöösch Maler un de Söhn vun Suzanne Valadon.

Leven[ännern | Bornkood ännern]

De Moder, Suzanne Valadon, tekent vun Théophile-Alexandre Steinlen
De Adoptivvader, Miquel Utrillo, mit Joan Maragall in’ Parc del Laberint d’Horta in Barcelona

Maurice Utrillo wurr an’ 26. Dezember 1883 in Paris boren un weer de Söhn vun de Pariser Malerin Suzanne Valadon – well sien biologisch Vader weer, is nich klor. He nehm, ofschons he as Kind lang bi sien Moder leevt hett, den Namen vun sien Adoptivvader, den Kunststkritiker Miquel Utrillo, an. All as jung Minsch weer Maurice Utrillo alkoholkrank un hett as 17-Johrig 1900 en Entwöhnungskur in Sainte Anne makt. Dornah wurr he vun sien Moder to’t Malen anhollen un weer ok glieks spoodriek. 1935 hett Maurice Utrillo de Wittfru vun den Kunstsammler Pauwels Lucie Pauwels, de ünner dat Pseudonym Lucie Valore ok malen dee, heiraadt.

Utrillo is an’ 5. November 1955 in Dax bi en Kurupenholt storven un up den Pariser Karkhoff Cimetière Saint-Vincent am Montmartre begraven.

Wark[ännern | Bornkood ännern]

Museum Utrillo in Sannois

Sien Warken wurrd vun Kunsthistoriker in mehrere Perioden indeelt:

  • impressionistisch Periood (1900 bit etwa 1903). De Biller ut disse Tiet sünd faken noch dunkel un düster.
  • Periood vun Montmagny (etwa 1904 bit 1906). In disse nöördlich Vörstadt vun Paris hett he hööftsächlich Straatenszenen malt. Allmählich wurrn sien Biller heller.
  • witt Periood (1906–1914). Um mehr Helligkeit hentokriegen, hett Maurice Utrillo sien Farven hellen Sand un Gips bimischt. Hell Rosa un melkig Witt domineeren nu in sien Biller.
  • farvig Maleree (af 1915). Dormit harr he sien bit to sien Dood andüernd Stil funnen.

Um 1920 funn sien Maleree allgemeen Anerkennung un 1929 kreeg he vun den Staat dat Krüüz vun de franzöösch Ehrenlegion. De franzöösch Post geev an’ 5. Dezember 1983 en Sonderbreefmark to 4 Francs herut. Dat Gemälde up de Sondermark to den 100. Gebortsdag vun Utrillo wiest de Wienschänke Le Lapin Agile up den Montmartre.

Literatur[ännern | Bornkood ännern]

  • Jean Fabris, Claude Wiart, Alain Buquet, Jean-Pierre Thiollet, Jacques Birr, Catherine Balin-Lacroix, Joseph Foret: Utrillo, sa vie, son oeuvre, Editions Frédéric Birr, Paris, 1982.
  • Verscheeden Artikel in: Das Kunstblatt, IX. Jahrgang 1925, Heft 10 (Redaktion Paul Westheim): Adolphe Basler: Brief über Maurice Utrillo an Rudolf Levy; Robert Rey: Maurice Utrillo, V.; Paul Westheim: Besuch bei Utrillo; Utrillo in Hamburg.
  • Walter Bondy: Maurice Utrillo, In: Kunst und Künstler, 23. Jg. 1924/25, Heft 7, S.253-263

Weblenken[ännern | Bornkood ännern]

Maurice Utrillo. Mehr Biller, Videos oder Audiodateien to’t Thema gifft dat bi Wikimedia Commons.