Matthias (Apostel)

De Apostel Matthias (Hebrääsch: מתתיהו, Mattathias), ok Mattias, is en Schriftgelehrten ween, de dör Lott to Jesus siene ölben Jüngers toföögt wurrn is, nadem een Platz free wurrn weer, as de vormolige Jünger Judas Ischariot sik na sien Verrat uphungen harr. So warrt dat in de Apostelgeschicht vun den Evangelisten Lukas vertellt (Apg.1,15-26). So, as dat in de christliche Tradition overlevert warrt, schall he um un bi 63 n. Chr. as en Merteler in Jerusalem sturven ween. He is, so warrt vertellt, mit Steen doot smeten wurrn.

Kultus

Matthias siene Knaken schöllt in Updrag vun Helena, de Mudder vun den röömschen Kaiser Konstantin den Groten na Trier henbrocht ween. Siet 1127 weert de Reliquien in de Benediktiners ehre Abtei St. Matthias in Trier dör Pilgerslüde verehrt. He is de Schutzherr un Patronhillige vun Goslar, Hannober, Hilmessen un vun de Bisömer Gary un Great Falls. Bovenhen warrt he as Schutzherr ankeken vun de Bo- un Timmerlüde, Dischers, Smeelüde, Steenhauers, Farkentüchters, Kledermakers un Zuckerbäckers. He warrt anropen gegen allerhand Süken, unner annern gegen Alkoholismus un ok, wenn de School los geiht.