Judas Thaddäus

Vun Wikipedia
Judas Thaddäus, maalt dör Georges de La Tour. To erkennen an sien Kennteken, de Hellebaard.

Judas Thäddäus is de Broer van Jakobus, den Jüngeren (un dordör unner Umstänn en Broer vun Jesus vun Nazaret) un een vun de twolf Jüngers un Apostels vun Jesus. Thaddäus bedutt sachtsinnig. He schall nich dör'nanner brocht weern mit en annern Jünger mit Naam Judas. Dat weer Judas Ischariot, de Jesus verraden hett.

Leven[ännern | Bornkood ännern]

Thaddäus is wohrschienlich Fischer ween. Bekannt is he sunnerlich vunwegen siene Epistel in dat Nee Testament, den Judasbreef. Dor schrifft he to Anfang, he weer

Judas, een vun Jesus Christus siene Knechten un Broer vun Jakobus.

Na Jesus siene Himmelfohrt schall he tohopen mit Simon dat Evangelium in Syrien, Mesopotamien un dat Partherriek kunnig maakt hebben. Vun em warrt vertellt, dat he Minschen heelen konn un dat he Dämonen ut Götzenbiller utdrieven konn, so, dat de amenne utbüxen döen un de Biller twei gungen. Tolest schall he in Persien mit en Knuppel dootslahn wurrn sien. Achterna schollen se em dat Hööft afslan hebben mit en Biel. Up sien Graff is de Swatte Karken boot wurrn.

Naamdag un Kennteken[ännern | Bornkood ännern]

Sien Naamdag is in de Röömsch-kathoolsche- un in de Evangeelsch-luthersche Karken an'n 28. Oktober, bi de Orthodoxe Karken avers an'n 19. Juni. He is Patroon vun Goslar un warrt anropen in sware Noot un in Twiefel. In de christliche Ikonographie is he dorstellt mit en Hellebaard.[1]

Kiek ok bi[ännern | Bornkood ännern]

Belege[ännern | Bornkood ännern]

  1. Hall, J. (2000). Hall's Iconografisch Handboek. Leiden: Primavera Pers.

Weblenken[ännern | Bornkood ännern]

Judas Thaddäus. Mehr Biller, Videos oder Audiodateien to’t Thema gifft dat bi Wikimedia Commons.