Masca (Cortés)

Masca is en Oort in dat Municipio Omoa, Departamento Cortés, Honduras. De Inwahners sünd to en groten Deel Garifuna.

Geografie

De Oort liggt an de Bahía de Omoa, wat en Bucht von de Karibische See is. Dör’n Oort flütt de Río Masca, de ut de Sierra del Omoa dalkummt. In de Neegd liggt ok de Natschonaalpark Cuyamel Omoa.

De Naveröörd sünd Milla 4 un Milla 3 in’n Noordoosten, La Jutosa in’n Süüdoosten, Cuyamel un Tegucigalpita in’n Süüdwesten un Buena Vista in’n Noordwesten.

Weertschop un Infrastruktur

Verkehr

Dör’n Oort geiht de CA-13, de in’n Noordoosten över Omoa na Puerto Cortés föhrt un in’n Süüdwesten na Cuyamel un Tegucigalpita un na de Grenz to Guatemala. Anners gifft dat noch en lüttje Straat na Buena Vista. Na Süüdoosten blockt de Sierra del Omoa allen Verkehr un dat gifft keen Straten.