Martin Buschmann (Politiker)
_(cropped).jpg)
Martin Buschmann (* 17. April 1970 in Hamborg) is en düütschen Politiker von De Deerschuulpartei. Bi de Europawahl 2019 is he as Maat von dat Europääsche Parlament wählt worrn. Von Juli 2019 bet Januar 2020 weer he Maat von de GUE/NGL-Frakschoon, is aver in’n Januar 2020 ut de Frakschoon rut.[1]
Leven[ännern | Bornkood ännern]
Buschmann is 1970 in Hamborg boren un in Vosshusen opwussen.[2] Na sien Abitur an dat Gymnasium Vosshusen hett he en Lehr as Butenhannelskoopmann maakt. Na de Lehr hett he för verscheden Reedereen un in dat Supply-Chain-Management arbeidt.[3]
Politik[ännern | Bornkood ännern]
Von 1992 bet 1996 weer Buschmann Maat von de NPD. He weer Vörsitter von’n NPD-Kreisverband Horborg-Land un Schattmeester von’n neddersassischen Landsverband von de Jungen Nationalisten.[4]
2009 is he in de Deerschuulpartei intreden, na egen Angaven is he över Akschonen gegen dat Deerversöökslabor in’n Naveroort Mienenbüddel to de Deerschuulpartei kamen.[2][5] He sett sik ünner annern för en vegane Levenswies un en Verbaad von Massendeerhollung in.[5] Siet 2015 hett Buschmann hauptamtlich för siene Partei arbeidt, ünner annern as Generaalsekretär.[2]
För de Europawahl 2019 hett em siene Partei för den eersten Listenplatz nomineert. De Partei hett 1,4 Prozent von de Stimmen kregen un kreeg dormit een von de 96 düütschen Mandate, so dat Buschmann direkt in dat Parlament intagen is.[6]
Buschmann is na de Europawahl Maat von de Konföderale Frakschoon von de Vereente Europääsche Linke/Nordische Gröne Linke (GUE/NGL) in dat Europaparlament worrn. To düsse Frakschoon höört ünner annern ok de düütsche Partei De Linke. För de Frakschoon weer Buschmann Maat in’n Utschuss för Bueree un ländliche Entwicklung un in’n Petitschoonsutschuss.[7] He is an’n 28. Januar 2020 ut de Frakschoon rut, nadem an’n 26. Januar dör en Artikel in dat Wochenblatt siene Vergangenheit in de NPD bekannt worrn is.[4] In en Stellungnahm hett he sik von dat, wo de NPD för steiht, afseggt.[8]
De Frakschoon hett em üm en Stellungnahm beden, en Utsluss ut de Frakschoon is he dör sien egen Uttridd tovörkamen. Buschmann hett aver seggt, dat he sien Mandaat liekers behollen will.[1][9][10]
Privaat[ännern | Bornkood ännern]
Buschmann is verheiraat un leevt in Vosshusen.
Weblenken[ännern | Bornkood ännern]
Martin Buschmann (Politiker). Mehr Biller, Videos oder Audiodateien to’t Thema gifft dat bi Wikimedia Commons.
- Deerschuulpartei: Martin Buschmann (hoochdüütsch)
- Indrag to Martin Buschmann in de Afornten-Datenbank von dat Europääsche Parlament (hoochdüütsch)
Footnoten[ännern | Bornkood ännern]
- ↑ a b Maïa de La Baume: German MEP resigns from leftist group after revelations of neo-Nazi past. In: Politico.eu. 28. Januar 2020, afropen an’n 29. Januar 2020.
- ↑ a b c Axel Tiedemann: Mit 0,6 Prozent. Unser Mann für Brüssel. In: Hamburger Abendblatt. Zeitungsgruppe Hamburg GmbH, 2. Juni 2019, afropen an’n 3. Juni 2019.
- ↑ Deerschuulpartei: Martin Buschmann
- ↑ a b Jörg Dammann: Braune Vergangenheit verschwiegen. In: Wochenblatt. Wochenblatt-Verlag Schrader, 26. Januar 2020, afropen an’n 27. Januar 2020.
- ↑ a b Jörg Damman: Neu Wulmstorfer wird wahrscheinlich als einziger Politiker aus der Region ins Europaparlament gewählt: Auf dem Weg nach Brüssel. In: Kreiszeitung Wochenblatt. 17. Mai 2019, afropen an’n 24. September 2019.
- ↑ Alphabetisches Verzeichnis aller Gewählten - Der Bundswahlleiter. Afropen an’n 27. Mai 2019.
- ↑ Martin Buschmann | Europääsch Parlament. Afropen an’n 24. September 2019.
- ↑ Martin Buschmann MEP - Stellungnahme. In: facebook.com. Afropen an’n 27. Januar 2020.
- ↑ Statement on Martin Buschmann GUE/NGL. In: guengl.eu. Afropen an’n 29. Januar 2020 (engelsch).
- ↑ NPD-Vergangenheit: EU-Abgeordneter Martin Buschmann verlässt Linksfraktion. In: spiegel.de. Afropen an’n 29. Januar 2020.