Manx

Vun Wikipedia
Manx

Snackt in

Isle of Man
Sprecher Um 100 as Muddersprake, 1689 alltohopen (de meisten as tweete Spraak)
Klassifikatschoon
Spraakkoods
ISO 639-1

gv

ISO 639-2 (B) glv (T) –

Manx oder Manx-Gäälsch ( Annere Naams Gaelg un Gailck, egen Naam Gaelg Vanninagh) is en Spraak, de bit in de 1970er Johre up dat Eiland Man snackt wurrn is. Vun de Spraakwetenschop her bekeken is dat an'n meisten verwandt mit dat ole Iersch-Gäälsch, sunnerlik mit den Dialekt vun Ulster, de Dialekte vun Galloway un de Variante vun dat Schottsch-Gäälsch, so, as dat up de Hebriden snackt warrt. De Spraak is in dat 5. Johrhunnert upkamen un warrt vun ehre Snackers Gaelg Vanninagh nömmt.

De leste Minsch, de Manx as Muddersprake snackt hett, is 1974 sturven. Dat is Ned Madrell ween. Dornah is Manx kunstmotig wedder upleevt un Minschen hefft anfungen, dat as ehre tweete Spraak woller to lehren. Allerhand Kinner, de nu boren weert, weert Engelsch un ok Manx uptagen. De Regeerung vun dat Eiland stöhnt de Spraak un dat gifft ok Unnerricht in Manx. Liekers warrt dat Manx hüdigendags as en Dode Spraak ankeken.

Vun alle Keltschen Spraken stunn dat Manx an'n meisten unner den Infloot vun Ooldnoordsch, vunwegen datt veele Wikingers sik up de Insel ansiedelt hefft. Amenn weer un is Manx de Spraak vun en Minnerheit un so warrt dat ok hüdigendags gellen laten dör de EU, dat Vereenigte Königriek un Irland. Vun dat 17. Johrhunnert af an weert Böker, as de Bibel ok in dat Manx oversett, man vor düsse Tied is meist nix in düsse Spraken upschreven wurrn.

Externe Lenken[ännern | Bornkood ännern]