Ned Madrell

Edward „Ned“ Maddrell (* um 1877 rüm; † 27. Dezember 1974) is en Fischer vun de Isle of Man ween. He weer de leste Minsch to siene Tied, de de Spraak Manx vun Kinnertied af an snackt hett. Nadem Sage Kinvig (1870-1962) doot bleven weer, weer he de leste Minsch, de vun sik seggen konn, vun siene Kinnertied af an Manx to snacken. He hett Manx lehrt vun en Groottant, man he hett al vördem en beten wat wußt vun de Engelsche Spraak. En Reeg vun Spraakproven vun Madrell sund uptekent wurrn, um to bewohren, wie de Spraak utspraken wurrn is. Anners as annere Lüde, de mit Manx as Muddersprake upwussen weern, leet dat so, as wenn Madrell dat geneten dö, datt he dor in siene Gegend en Beröhmtheit weer un he geev geern jungere Lüde Unnerricht in siene Sprake.