Mangrove Bight

Mangrove Bight in dat Municipio Guanaja

Mangrove Bight is en Oort (Aldea) op dat Eiland Guanaja (Islas de la Bahía) in dat Municipio Guanaja, Departamento Islas de la Bahía, Honduras. De Inwahnertall weer bi’n Zensus 2013 1060.

Geografie

Mangrove Bight liggt in’n Noorden von Guanaja an de Karibische See un an de Bucht mit’n sülven Naam. De höögste Punkt von dat Eiland, Michael Rock Peak, liggt in’n Süüdwesten.

De Naveröörd sünd North East Bight in’n Oosten, East End un Savannah Bight in’n Süüdoosten, Sandy Bay in’n Süden un Bonacca in’n Süüdwesten.

Historie

In’n Oktober 1998 is de Oort von’n Hurrikan Mitch swoor drapen worrn. Na’n Hurrikan is denn ok de Oortsdeel Brisas del Mitch en beten in’n Süden von Mangrove Bight nee anleggt worrn.

Weertschop un Infrastruktur

För de Weertschop is vör allen de Fischeree wichtig.

Verkehr

Dat gifft en Straat von Mangrove Bight na Savannah Bight. Anners gifft dat keen Straten. De Verkehr mit de Butenwelt löppt kumplett per Boot. Bi Bonacca liggt de lüttje Flegerplatz Aeropuerto de Guanaja.