Mana (Atlantik)
| Mana | |
|---|---|
| Laag | Franzöösch-Guayana |
 | |
| Stroomsystem | Mana |
| Läng | 430 km |
| Afströömrebeed | 12.090 km² |
| Koordinaten Münn: | Koordinaten:5° 44′ N, 53° 51′ W5° 44′ N, 53° 51′ W |
| Water je Sekunn | 320 m³/s |
| linke Blangenströöm | Arouani, Crique Lézard, Crique Portal, Acarouany |
| rechte Blangenströöm | Kokioko |
 | |
De Mana (La Mana) is en 430 Kilometer langen Stroom in de Gemenen Saül un Mana in Franzöösch-Guayana, de in’n Atlantik münnt.
De Stroom hett sien Born an’n Foot von’n Mont Galbao in dat Zentraalmassiv von Guayana in’n Westen von’n Oort Saül. Von dor flütt he na Noorden un nimmt en Reeg lüttjere Beken op. Links un rechts von’n Stroom doot en Reeg Schuulrebeden liggen, de Mana sülvs beröhrt aver blots kort dat Schuulrebeed Lucifer Dékou-Dékou. Bi düt Schuulrebeed münnt von links de Arouani un de Crique Lézard in de Mana. De Stroom nimmt von rechts den Kokioko op un von links den Crique Portal. Tosätzlich föhrt de Route nationale 1 mit en Brügg över’n Stroom.
Kort vör de Münn in’n Atlantik (an de Grenz na de Gemeen Awala-Yalimapo) liggt de Oort Mana an dat linke Över von’n Stroom. Hier münnt ok de Acarouany in de Mana. Dat Rebeed an de Münn is as Réserve Naturelle de l’Amana schuult.
