Mairie Scharnbeek

Vun Wikipedia
Zur Navigation springen Zur Suche springen

De Mairie Scharnbeek weer in de Franzosentied (1810 bet 1813) een von de fiev Mairien, in de de Kanton Bewick indeelt weer. De Seet weer in Scharnbeek. Se harr 2238 Inwahners.[1]

Historie[ännern | Bornkood ännern]

De Ümgegend von Scharnbeek hett vör de Franzosentied to dat Amt Scharnbeek-Bütel un de Huusvaagdie un de Vaagdie Borendörp von dat Amt Lüün in dat Förstendom Lümborg höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.

Binnen Westfalen weer de Mairie Scharnbeek een von de twölv Mairien in’n Kanton Scharnbeek von’n Distrikt Lümborg, Departement von de Nedderelv.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Scharnbeek weer nu een von de fiev Mairien in’n Kanton Bewick, Distrikt Lümborg, Departement von de Nedderelv. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to söven Mairien höört harrn: de Mairien Scharnbeek, Reinstörp, Rullstörp, Lüün un Echen ut’n Kanton Scharnbeek un de Mairien Düütsch-Ävern un Hagen ut’n Kanton Bienbüddel.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.

Öörd[ännern | Bornkood ännern]

Dor hebbt düsse Öörd tohöört:

Vondaag sünd düsse Öörd Deel von de Samtgemenen Scharnbeek un Oostheid, de Gemeen Adendörp un de Stadt Lümborg.

Footnoten[ännern | Bornkood ännern]

  1. a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 56
  2. a b Bulletin des lois du Royaume de Westphalie. Königliche Bookdruckeree, Kassel 1810, Sied 36