Mairie Ossenwarder

De Mairie Ossenwarder weer in de Franzosentied (1810 bet 1813) een von de dree Mairien, in de de Kanton Willemsborg indeelt weer. De Seet weer in Ossenwarder. Se harr 3245 Inwahners.^[1]

Historie

De Ümgegend von Ossenwarder hett vör de Franzosentied to dat Amt Bardörp höört, wat in Besitt von de Stadt Hamborg weer. Willemsborg op dat annere Över von de Elv hett to dat Kurförstendom Hannover höört, wat in de Tied von de Koalitschoonskriege siet 1801 von Franzosen un Prüßen besett weer. To’n 1. März 1810 is dat hannöversche Rebeed denn Deel von dat Königriek Westfalen worrn, wat en Satellitenstaat von Frankriek weer.

To’n 1. Januar 1811 sünd de Noorden von dat Königriek Westfalen un Hamborg an dat Franzöösche Kaiserriek fullen. Ossenwarder is mit de Rebeden von Willemsborg un Oolwarder in een Kanton tohoopleggt worrn. De Mairie Ossenwarder weer nu een von de dree Mairien in’n Kanton Willemsborg, Distrikt Hamborg, Departement von de Elvmünnen.

1813/1814 hebbt de Russen de Franzosen slahn un dat Rebeed befreet. Hamborg un dat Kurförstendom Hannover sünd denn wedder herstellt worrn un de ole Stand von vör 1810 wedder dor.

Öörd

Dor hebbt düsse Öörd tohöört:

Kaiserriek Frankriek:^[1]
Ossenwarder (1855 Inwahners), Reithbrook (450), Spadenland (346), Tatenbarg (306), Moorwarder (288)

Vondaag sünd düsse Öörd all Deel von de Stadt Hamborg.

Footnoten

↑ ^a ^b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 45

[Lasius-1] Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 45

[1]