Mairie Öberndörp

Vun Wikipedia
Zur Navigation springen Zur Suche springen

De Mairie Öberndörp weer in de Franzosentied (1810 bet 1813) een von de fiev Mairien, in de de Kanton Neehuus indeelt weer. De Seet weer in Öberndörp. Se harr 2774 Inwahners.[1]

Historie[ännern | Bornkood ännern]

De Ümgegend von Öberndörp hett vör de Franzosentied to dat Amt Neehuus in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.

Binnen Westfalen weer dat Kaspel Öberndörp opdeelt op de twee Mairien Öberndörp rechts de Oost un Öberndörp links de Oost, de all beid in’n Kanton Öberndörp von’n Distrikt Stood, Departement von de Elv- un Wersermünnen, legen.[2] Man al to’n 1. Januar 1811 harr dat en Enn. Dat Königriek Westfalen müss dat Departement direkt an dat Franzöösche Kaiserriek afgeven. De beiden Mairien sünd tohoopleggt worrn un de Mairie Öberndörp weer nu een von de fiev Mairien in’n Kanton Neehuus, Distrikt Stood, Departement von de Elvmünnen.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.

Öörd[ännern | Bornkood ännern]

Dor hebbt düsse Öörd tohöört:

Vondaag sünd düsse Öörd Deel von de Samtgemeen Land Hadeln.

Footnoten[ännern | Bornkood ännern]

  1. a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 66
  2. Bulletin des lois du Royaume de Westphalie. Königliche Bookdruckeree, Kassel 1810, Sied 6