Möhl an’t Schipperdoor
De Möhl an’t Schipperdoor is en Galeriehollanner-Windmöhl, de in Stood in de Schipperdoorsvörstadt steiht.
De eerste Koornmöhl vör dat Schipperdoor weer in dat 14. Johrhunnert en Buckmöhl.[1] Disse Möhl stünn noch op de annere Sied von de Schipperdoorstraat.[1] De Möhl is 1850 afreten worrn.[1] De hüdige Möhl is 1856 boot worrn.[1] Bi en Blitzslag 1877 is de bövere Deel tweigahn.[1] As de Möhl wedder opboot worrn is, hebbt se den Ünnerbo ok een Etaasch höger boot.[1] 1939 is een Flögelpoor afboot worrn un 1949 denn dat twete Poor un de Galerie.[1]
Vondaag is de Stadt Stood Egendömer. 1993 is de Möhl as Forschungszentrum för de Arbeidsgemeenschoppen Jugend forscht an dat Vincent-Lübeck-Gymnasium utboot worrn.[1] Dorbi hett de Möhl denn ok en ne’e Galerie un Flögels kregen.[1] De Möhlentechnik is deelwies noch vörhannen, de Möhl hett aver keen Mahlwark.[1]
Footnoten
[ännern | Bornkood ännern]Weblenken
[ännern | Bornkood ännern]
Möhl an’t Schipperdoor. Mehr Biller, Videos oder Audiodateien to’t Thema gifft dat bi Wikimedia Commons.
Koordinaten:53° 36′ N, 9° 28′ O