Mäzen

Vun Wikipedia
Zur Navigation springen Zur Suche springen

En Mäzen (ok Mäzenat, fem. Mäzenaatsche oder Mäzenatin) is en Person, de en Institutschoon, en kommunale Inrichtung oder en Person oder Personenkrink mit Geld oder mit Middels, de Geld weert sünd, unnerstütten un stöhnen deit, datt de en Saak umsetten kann. Dor verlangt de Mäzen, anners, as de Sponsor, nix for. Dat Woort Mäzen kummt vun den Etrusker un Römer Gaius Cilnius Maecenas her. He hett in de Tied vun Kaiser Augustus Dichters unnerstütt, as Vergil, Properz un Horaz. Mäzene könnt nich bloß enkelte Lüde unnerstütten, man ok Institutschonen, as Museums, Universitäten oder Orchesters. Wat en Mäzen geven deit, dat gifft he heel un deel freewillig, he kann dat also to jede Tied ok laten, ohn, datt he dor Grünn for angeven möss.