Luyten 726-8

Vun Wikipedia
Luyten 726-8
Positschoon un Beteken
Steernbild Cetus, Cet
Rektaszension 1h39m01,5s[1]
Deklinatschoon -17°57′02,2″[1]
Annere Naams
Physikaalsch Parameter
Afstand 8,8 Lj
schienbore Helligkeit +12,08[1]
Spektralklass M5.5 V / M6.0 V[1]
Sünnerheiten Dubbelsteern

Luyten 726-8 (ok Gliese 65) is en Dubbelsteernsystem ut twee Ro’e Dwargen mit en Afstand vun ruchweg 8,8 Lichtjohren. Dormit tellt he to de neegsten Navers vun uns Sünn. De Kumponenten sünd all beid Flaresteerns, wobi de Kumponent Luyten 726-8 B de bannig bekannte UV Ceti is, de annere (Luyten 726-8 A) warrt as BL Ceti betekent, wiest aver en lüttere tyypsche Helligkeitsamplituud op.

Dat Dubbelsteernsystem weer 1948 vun Willem Jacob Luyten opdeckt, na den dat ok nöömt is. De beiden Kumponenten kreist ümeenanner mit en Periood vun 26,52 Johren un en Afstand, de twüschen 2,1 un 8,8 AE wesselt.

De nächste Naversteern vun dat System is de enkelte Steern Tau Ceti, de mit de Sünn to verglieken is. De liggt ruchweg 3,2 Lichtjohren wiet weg[2].

Na en Bereken vun Robert A.J. Mathews weer dat Dubbelsteernsystem Luyten 726-8 bit vör 32.000 Johren de Steern, de an’n neegsten an de Sünn weer. Dör ünnerscheedliche Snelligkeiten weer he denn vun Proxima Centauri aflööst.

Borns[ännern | Bornkood ännern]

<refercences />

  1. a b c d GJ 65 in: SIMBAD, Centre de Données astronomiques de Strasbourg; afropen an’n 16. September 2018
  2. L 726-8 bi Solstaton