Luthereek (Stood)
De Luthereek is en Eek in de Stadt Stood. Se steiht an’n Ooldstadtring op en middelgrote Verkehrsinsel nich wied af von’n Stoder Bahnhoff twüschen de Straten An’n Borggraven, Bahnhoffstraat un Iesenbahnstraat. Dicht bi sünd ok de histoorschen Wallanlagen mit’n Borggraven.
Historie[ännern | Bornkood ännern]
Jüst as in vele annere Öörd in Düütschland (List von de Luthereken) is an’n 11. November 1883 to’n 400. Geboortsdag von Martin Luther ok in Stood en Eek as Denkmaal för den Reformater plant worrn.[1]
An’n 10. November - Luther sien Geboortsdag - harrn 1883 in beide Stoder Stadtkarken Schoolfeern stattfunnen. Dorüm hett dat annern Dag en Festtog dör de Stadt geven, de von’n Börgervereen organiseert weer un an’n Peermarkt mit en Festreed toenn güng. De Festreed hett de Pädagoog Carl Diercke hollen, de to de Tied Direkter von dat Lehrerseminar Stood weer. Na de Reed töög de Festversammlung wieder över de Hogendoorbrügg, üm de Luthereek an disse Steed to planten.
126 Johr nadem de Boom plant worrn is, hebbt de Stoder Börgermeester Andreas Rieckhof, Supperndent Thomas Kück un Ludger Ernst an’n 10. November 2011 en Henwiestafel blangen de Luthereek opstellt. Vörher harr de Stadt al den olen Gedenksteen ünner de Eek restaureren laten. De Henwiestafel vertellt in en korten Text, wannehr un worüm de Eek plant worrn is.[1]
De Parkplatznood hett üm de Johren 1970 rüm dorto föhrt, dat ünner’n Boom fiev Parkplätz boot worrn sünd, so dat de Standoord von’n Boom deelwies versiegelt is. Üm de Vitalität von de Luthereek to bewohren, kriggt he een maal in’t Johr en Boompleeg.
Weblenken[ännern | Bornkood ännern]
Footnoten[ännern | Bornkood ännern]
- ↑ a b Neue Tafel für die Luthereiche, Hamburger Abendblatt an’n 11. November 2009