Ludwig August Schlüter
Ludwig August Schlüter (* 12. Juli 1797 in Reten; † 29. November 1881 in Hannover) weer en hannöverschen Verwaltungsbeamten.
Schlüter is 1797 as Söhn von Elisabeth Marie, borene Stoltze (23. Mai 1757–23. Juni 1828), un den Amtmann Georg Friedrich Schlüter (20. Juli 1748–16. Januar 1806) in Reten boren. He hett an de Befre’ungskriege delnahmen un in de Slacht bi Waterloo fuchten. An’n 11. April 1818 hett he sik för en Studium von de Juristeree an de Universität Göttingen inschreven un is dor Maat von dat Corps Hannovera worrn.[1]
Na dat Studium is he in’n hannöverschen Verwaltungsdeenst gahn. He weer 1821 Auditer bi de Borgvaagdie Celle un 1823 Amtsassesser supernumerär in de Vaagdie Bissendörp. Von dor is he 1825 as Amtsassesser in dat Amt Knesebeck versett worrn.[2] 1831 is he as Amtsassesser supernumerär Baas von dat Amt Addelborg ween un Amtmann worrn. Von 1837 bet 1847 weer he as Nafolger von Johann Caspar Peter Fischer Amtmann von dat Amt Willemsborg. Von 1846 bet 1866 weer Schlüter denn Oberamtmann von dat Amt Emden un Stadtkommissär von de Stadt Emden. Nadem he 1866 in Rohstand gahn is, hett Schlüter in Hannover leevt.
1856 hett he dat Indigenat von de Oostfreesch Landschap kregen.[3]