Georg Friedrich Schlüter

Vun Wikipedia
Zur Navigation springen Zur Suche springen

Georg Friedrich Schlüter (* 20. Juli 1748 in Neenborg; † 16. Januar 1806 in Rethen) weer en düütschen Verwaltungsbeamten.

Schlüter is 1748 as Söhn von Margareta Dorothea, borene Pauli (15. Juni 1723–8. Dezember 1803), un den Amtmann Conrad Christian Schlüter (17. August 1715–19. Oktober 1770) in Neenborg boren un dor an’n 21. Juli döfft worrn. He hett toeerst Juristeree an de Universität Leipzig studeert un is von dor 1768 an de Universität Göttingen wesselt. He weer Auditer bi dat Amt Neenborg, is 1774 Amtschriever bi de Borgvaagdie Celle worrn un 1780 Amtschriever to Wienhusen in dat Amt Eicklingen. Von dor is he 1790 as Amtschriever in dat Amt Ahlden wesselt[1] un dor 1793 Amtmann worrn. Von 1795 bet 1806 weer he Amtmann von dat Amt Rethen.

Schlüter hett an’n 3. Juli 1792 in Groten Hehlen Elisabeth Marie Stoltze (23. Mai 1757–23. Juni 1828) freet.[2] De beiden harrn ünner annern den Söhn Ludwig August Schlüter (12. Juli 1797–29. November 1881; Amtmann).

Footnoten[ännern | Bornkood ännern]

  1. Annalen der Braunschweig-Lüneburgischen Churlande. Bänn 3-4, Sied 1000
  2. Deutsches Geschlechterbuch. Band 122, 1957, Sied 252