Ludger Beerbaum

Vun Wikipedia
Zur Navigation springen Zur Suche springen
Ludger Beerbaum up Zinedine wiels dat Internatschonales Pingstturnier Wiesbaden 2013

Ludger Beerbaum (* 26. August 1963 in Detmold) is en düütsch Springrieder.

He is en vun de spoodrieksten internatschonalen Springrieder vun de laat 1980er, 1990er un fröh 2000er Johren un harr in disse Tiet völ Eenzel- un Mannschapserfolge, ünner annern bi Olympisch Spelen, Welt- un Europameesterschapen.

He is de Bröer vun Markus Beerbaum un de Schwager vun Meredith Michaels-Beerbaum, de beid ok as Springrieder aktiv sünd.

Biografie[ännern | Bornkood ännern]

Privates[ännern | Bornkood ännern]

Ludger Beerbaum wurr as Söhn vun Horst un Mathilde Beerbaum boren un hett dree Geschwister. He hett dat Gymnasium besöcht un 1983 sien Abitur maakt. En Studium vun de Bedrievswertschapslehre hett Beerbaum togunsten vun de Springriederee vör de Tiet afbarken. Beerbaum is in tweet Ehe verheiraadt un hett dree Kinner.

Sportliches[ännern | Bornkood ännern]

Ludger Beerbaum up Enorm up den Afriederplatz vun dat Hamborger Derby in Klein Flottbek 2005

As Beerbaum acht Johr olt weer, hebbt hüm sien Öllern – ofschons he an Peer bitlang wenig Gefallen funnen harr – dat eerste Pony, en Highland-Pony. Nahdem hüm dat Pony swoor in' Arm beeten harr, weer dat Interesse för Peer un Rietsport för twee Johr vörbi.

Later wurr Ludger Beerbaum dör den Vader vun en Schoolfrüend weer an de Rietsport ranführt un he kunn all in jung Johren Erfolge bi de Düütsch Meesterschapen vun de Junioren un de Jung Rieder, bi de he 1981 bzw. 1982 jeweils de Vizemeesterschap schafft hett. De Europameesterschapen vun de Jung Rieder 1984 hett he mit de Bronzemedaille sowohl in't Mannschaps- as ok in' Eenzelwettbewarf afslooten.

Af 1985 weer Beerbaum as Berieder an' Stall vun Paul Schockemöhle tätig, de hüm in de folgen Johren fördern dee. In disse Tiet fier he sien eerst grötteren Erfolge, vör allen mit den Mannschaps- Olympiasieg bi de Olympisch Spelen 1988 in Seoul un den Gewinn vun de Düütsch Meesterschap.

Nah privaten Differenzen mit Schockemöhle folg 1989 de Wessel in den Stall vun den Ünnernehmer Alexander Moksel nah Buchloe, de Beerbaum en Völtall hervörragend Spitzenpeer to Verfügung stellen dee. Wiels disse Tiet harr he immer mehr Spood, de gröttste Erfolg weer dorbi de Gewinn vun de Goldmedaille in' Eenzelwettbewarf bi de 1992 in Barcelona. Sülver- un Goldmedaillen mit de Mannschap bi de Weltriederspelen 1990 in Stockholm un 1994 in Den Haag as ok de nochmalige Gewinn vun de Düütsch Meesterschapen 1992 un 1993 keemen dornah. Herutragend weer ok de eerste Weltcup-Sieg vun en Düütschen, ok in dat Johr 1993. Beerbaum hörrt siet disse Tiet endgültig to de besten in' Springsport.

1995 hett he sück in Hörstel up en Rietanlaag sülvständig maakt un kunn mit Hülp vun nee Mäzene, vör allen mit dat Ünnernehmer-Ehepaar Dietrich Schulze un Madeleine Winter-Schulze, völ vun sien bitherig Spitzenpeer behollen. Ok jetzt geev dat wiedere groot Erfolge, u. a. Mannschaps-Olympiasiege 1996 un 2000, en wieder Mannschaps-Weltmeesterscha 1998, mehrere Mannschaps- un Eenzelmedaillen bi Europameesterschapen, fiev wiedere Düütsch Meesterschapen as ok dree Siege in de Riders Tour. 2001 hett Beerbaum över sück sülvst seggt, dat he den Zenit vun sien Sportlerloopbahn reckt harr.

Negative Slagzeilen hett he aber 2004 leefert, as de düütsch Mannschap wegen den Nahwies vun nich tolaaten Medikatschoon bi sien Peerd Goldfever de Mannschaps-Goldmedaille nahderhen afspraaken wurr.

Bi de Weltriederspelen in Aken, de in' August un September 2006 stattfunnn, is he mit den eerst teihnjohrigen Wallach L'Espoir antreeden, mit de he mit de Mannschap de Bronzemedaille wunn un in de Eenzelwertung blots knappt den Intoog in' Finale verpassen dee. He belegg Platz 5 in de Gesamtwertung un kunn dormit Kritiker wedderleggen, de de Leistungsfähigkeit vun sien doch bannig jung un unerfohren Peerd vör Beginn vun de Spelen as nich för good genoog diskutteert un de Nomineeren in Fraag stellt harrn.

An’ 6. Februar 2007 hett Ludger Beerbaum L'Espoir nah Norwegen verköfft, wo de Wallach nu spoodriek vun Geir Gulliksen reeden wurrd. Ludger Beerbaum hett to disse umstreeden Entscheeden seggt, dat dat ganz normal weer, dat Peer köfft un verköfft wurrn. In’ Im Juli 2007 belegg he – Anfang September vun Meredith Michaels-Beerbaum aflöst – nah en lang Tiet weer den eersten Platz up de Weltranglist.

In’ August harr he wesentlichen Andeel an den Gewinn vun de Mannschapssülvermedaille wiels de Europameesterschap in Mannheim. Ok in de Eenzelkonkurrenz kunn he sück dor behaupten un wunn achter sien Schwägerin Meredith Michaels-Beerbaum un de dormaligen Weltmeester (vun Aken 2006) Jos Lansink de Bronzemedaille.

In’ Juni 2010 övernehm he mit de Deelnahm an’ Natschonenpries vun St. Gallen den Rekord för de meest Starts in düütsch Springrieder-Natschonenpries. Bit dorhen weer Hans Günter Winkler mit 105. Starts de Rekordmann.[1]

Nahdem he in de tweet Hälft vun dat Johr 2010 wenig Spood harr, is he bit Mai 2011 up den 27. Rang vun de Springrieder-Weltranglist afrutscht,[2] en, för sien Verhältnisse, slechte Positschooon.

In’ September 2011 wun he mit Gotha FRH bi de Europameesterschapen in Madrid de Goldmedaille mit de düütsch Mannschap.

In’ März 2012 harr Beerbaum weer den darten Rang vun de Weltranglist inne.[3]

2012 tell Beerbaum mit sien Mähr Gotha to de Grupp vun de Olympiaaspiranten. Nah en Stört in Balve, bi de düütsch Meesterschapen, stell Beerbaum fast, dat sien Stuut nich in de Form weer, an de Olympisch Spelen 2012 deeltonehmen. Somit weer he dat eerst Mal siet 1988 nich bi de Spelen dorbi. [4]

up Zinedine bi dat Internatschonale Pingstturnier in Wiesbaden 2013

Spoodriek Turnierpeer[ännern | Bornkood ännern]

Aktuell[ännern | Bornkood ännern]

  • Chaman vun Baloubet du Rouet, Modervader: I Love You, Bruun KWPN-Hingst, boren 1999, In Besitt vun: Madeleine Winter-Schulze
  • Chiara von Contender, Modervader: Coronado, Holsteener Schimmelstuut, boren 2003, In Besitt vun: Madeleine Winter-Schulze
  • Coupe de Coeur vun Calido, Modervader: Lincoln, Holsteener Schimmelhingst, boren 1997, In Besitt vun: Madeleine Winter-Schulze
  • Zinedine vun Guidam, Modervader: Heartbreaker, KWPN Vosshingst, boren 2004, In Besitt vun: Ludger Beerbaum Stables

Ehemals (verköfft)[ännern | Bornkood ännern]

  • All Inclusive NRW vun Arpeggio, Modervader: Phantom, Dunkelbruun Westfalenwallach, boren 1999, In' Besitt vun: Flaminia Straumann, wurr an' 11. März 2009 an den Sponsor vun Denis Lynch verköfft
  • L´Espoir vun Landwind, Modervader: Feinschnitt, Zangersheider Vosswallach, boren 1996, wurr Anfang 2007 an Geir Gulliksen verköfft[5]
  • Lavillon vun Diamant de Semilly, Modervader: Laudanum xx, Bruun Selle Français Hingst, boren 1999, wurr Enn' März 2010 an Olavi Pentti & Noora Forsten nah Finnland verköfft

Ehemals (ünner anner Rieder)[ännern | Bornkood ännern]

  • Caresse vun Cento, Modervader: Sandro, Hannoberaner Schimmelstuut, boren 2004, in Besitt vun: Madeleine Winter-Schulze, wurrd to Tiet vun Eva Bitter reeden
  • Gotha FRH vun Goldfever I, Modervader: Prestige Pilot, Hannoberaner Vossmähr, boren 2001, in Besitt vun: Madeleine Winter-Schulze, geiht to Tiet ünner Henrik von Eckermann

Ehemals (nich mehr in' Sport aktiv)[ännern | Bornkood ännern]

  • Champion du Lys vun Laeken, Modervader: Largny, Selle Francais Schimmelhingst, boren 1990, in Besitt vun: Madeleine Winter-Schulze, wurr 2006 in Hamborg nah en 8. Platz in't Derby bannig överraschend ut den Sport nommen, weer ansluutend up de Statschoon Schockemöhle in' Deckinsatz, kehr nah de Decksaison 2009 nah Riesenbeck torüch un is siet dem dor as Beschäler upstellt.
  • Classic Touch vun Caletto II, Modervader: Landgraf, bruun Holsteenerstuut, boren 1984, wurr 1992 mit 8 Johren Eenzel-Olympia-Sieger in Barcelona ünner Beerbaum, dornah geev Beerbaum de Stuut verdragsmäßig an deren Besitter Ralf Schneider af. Classic Touch wurr nah hör Springkarriere in Belgien to de Tucht per Embryotransfer bruukt. Enn' 2008 muss se up den Hoff vun Ludger Beerbaum inschläfert wurrn, wo se hör letzt Maand mit Ratina Z un Gladdys S verbrocht harr.
  • Couleur Rubin vun Cordalme Z, Modervaderr: Grannus, Ollnborger Vosshingst, boren 1996, Besitzerin: Madeleine Winter-Schulze, af 2013 weer as Deckhengst in de Swiez aktiv
  • Enorm vun Escudo I, Modervader: Calypso II, Dunkelbruun Hannoberanerwallach, boren 1997, In Besitt vun: Madeleine Winter-Schulze
  • Gladdys S vun Grandeur, Modervader: Apart, Westfalen Vossstuut, boren 1992, in Besitt vun dat Ehepaar Winter-Schulze
  • Goldfever vun Grosso Z, Modervader: Galvano, Hannoberaner Vosshingst, boren 1991, in Besitt vun: Madeleine Winter-Schulze
  • Priamos vun Pilot, Modervader: Direx, Westfalen Vosswallach, boren 1982, in Besitt vun: Madeleine Winter-Schulze
  • Ratina Z vun Ramiro Z, Modervader: Alme, bruun Hannoberanerstuut, boren 1982, storven 2010, Besitter: Ludger Beerbaum/Marie Johnson
  • Rush On vun Report, Modervader: Rivale, dunkelbruun Westfalen-Wallach, boren 1982, storven 2007

Nich tolaaten Medikatschoon[ännern | Bornkood ännern]

Wiels de Olympisch Spelen 2004 in Athen wurr dat Peerd vun Beerbaum positiv up de Substanz Betamethason test. De Substanz wurrd woll nich to en Leistungsstiegern, sonnern in de Therapie bruukt, is aber luut Wettkampreglement – as völ Medikamente – verboden. Beerbaum hett angeeven, en Huutreizen vun Goldfever mit en Betamethason-hollgen Salv behannelt to hemm, woruphen de Substanz in den Blootkreisloop vun dat Peerd kommen weer, en Leistungsmanipulatschoon harr he nich vörnommen.[6] De List vun de in' Wettkamp verboden Stoffe vun de International Federation of Equestrian Sports (FEI) ünnerdeelt de nich tolaaten Stoffe in Dopingsubstanzen, also leistungsstiegern Middel, un in therapeutisch bruukt Substanzen.[7] Disse Instuufen speelt bi de Beoordeelen vun de Sparr en Rull; Beerbaum kreeg infolgedessen de Erloovnis, an de nächst Olympisch Sömmerspelen weer deeltonehmen. In' September 2005 wurr dat Paar Beerbaum/Goldfever vun den Internatschonalen Sportgerichtshoff (CAS) nahträglich för de Olympisch Spele 2004 disqualifizeert. Dordör keemen de Striekresultate wedder in de Wertung un de düütsch Equipe full up den darten Platz torüch. Düütschland muss de Goldmedaillen torüchgeven un de Mannschap kreeg nahträglich de Bronzemedaille.

In' Mai 2009 hett Beerbaum nochmals för negative Schlagzeilen sörgt, as he tegenöver de Frankfurter Allgemeine Sonntagszeitung seggt hett: "Im Laufe der Jahre habe ich mich darin eingerichtet, auszuschöpfen, was geht. ... In der Vergangenheit hatte ich die Haltung: Erlaubt ist, was nicht gefunden wird." He wurr doruphen vun de Deutschen Reiterlichen Vereinigung bit to Stellungnahm vun de DOSB-Kommission to sien Person vun de Liddmaatschapen an jeglicher Natschonenpriesmannschap suspendeert.[8] Enn' Juli legg de Kommission ehr Tüschenbericht vör, de de Deutschen Reiterlichen Vereinigung in Betoog up Ludger Beerbaum vörslahn hett, hüm mit Uplagen in en Kader uptonehmen.[9]

Sonstiges[ännern | Bornkood ännern]

Ludger Beerbaum wurr bi de Olympisch Spelen 2004 in Athen de Ehre todeel, wiels de Eröffnungsfier de düütsch Athleten as Fahnendräger antoführen.

He ünnerstütt siet eenig Johren krebskranke Kinner in dat russisch Perm.

Beerbaum is Viezpräsident vun den International Jumping Rider Clubs (IJRC), de Interessenvertreeden vun Springrieder, de ünner de Top 100 vun de Weltranglist platzeert sünd.[10]

Erfolge[ännern | Bornkood ännern]

Ludger Beerbaum auf Champion du Lys up den Afrietplatz vun den CHIO in Aken 2004

[11][12][13][14]

De bi de Olympisch Sömmerspelen 2004 in Athen mit Goldfever errungen Mannschaps-Goldmedaille wurr nahderhen aferkannt, kiek Nich tolaaten Medikatschoon.
  • Weltmeesterschapen:
    • 1990 in Stockholm: Sülvermedaille Mannschap up Gazelle
    • 1994 in Den Haag: Goldmedaille Mannschap up Ratina Z
    • 1998 in Rom: Goldmedaille Mannschap up P.S. Priamos
    • 2006 in Aken: Bronzemedaille Mannschap up L'Espoir
  • Europameesterschapen:
    • 1997 in Mannheim: Goldmedaille Mannschap, Goldmedaille Eenzel up Ratina Z
    • 1999 in Hickstead: Goldmedaille Mannschap up Champion du Lys
    • 2001 in Arnheim: Bronzemedaille Mannschap, Goldmedaille Eenzel up Gladdys S
    • 2003 in Donaueschingen: Goldmedaille Mannschap, Sülvermedaille Eenzel up Goldfever
    • 2007 in Mannheim: Sülvermedaille Mannschap, Bronzemedaille Eenzel up Goldfever
    • 2011 in Madrid: Goldmedaille Mannschap up Gotha
  • wiedere:
    • Weltcup-Sieger 1993 up Ratina Z, 2 x Weltcup-Tweet (2002 up Gladdys S, 2010 up Gotha)
    • 9x Düütsch Meester (1988, 1992, 1993, 1997, 1998, 2000, 2001, 2004, 2011)
    • 5x Sieger vun de Riders Tour („Rider of the Year“; 2001, 2002, 2003, 2009, 2011)
    • 3x Sieger in' Grooten Pries vun Aken (1996 up Ratina Z; 2002 un 2003 jeweils up Goldfever) un 2. Platz mit All Inclusive NRW in dat Johr 2008
    • 2x Sieger vun dat Düütsch Springderby in Hamborg (1998 un 2003 jeweils up Champion du Lys)
    • Siege 2007: Championat vun Hamborg (CSI 4*) mit Couleur Rubin, Schlossparkpries bi dat Pingstturnier Wiesbaden (CSI 4*) mit All Inclusive NRW, Groot Pries vun Donaueschingen (CSI 3*) mit Goldfever, Groot Pries vun Brüssel (CSI 5*) mit Enorm, Groot Pries vun Genf (CSI 5*-W) mit All Inclusive NRW as ok mit de Mannschap in de Natschonenpries vun La Baule (CSIO 5*, mit Couleur Rubin) un Aken (CSIO 5*, mit Goldfever)
    • Siege 2008: Groot Pries bi den Rolinck Cup Mönster mit Enorm as pk in de Natschonenpries vun Rotterdam (CSIO 5*, mit Coupe de Coeur) un Aken (CSIO 5*, mit All Inclusive NRW)
    • Siege 2009: Championat bi den K+K Cup vun Mönster mit Goldfever, Rolex Grand Prix in Zürich (CSI 5*-W) mit All Inclusive NRW, Groot Pries vun de Bundsrepubliek in Düörpm (CSI 3*) mit Coupe de Coeur, Groot Pries vun Helsinki (CSI 5*-W) mit Lavillon, Groot Pries vun Stuttgart (Weltcupprüfung, CSI 5*-W) mit Gotha
    • Siege 2010: Championat vun de Stadt Basel (CSI 4*) mit Couleur Rubin
    • Siege 2011: Groot Pries vun Wiesbaden (CSI 4*) mit Chaman, Groot Pries vun Stuttgart (Weltcupprüfung, CSI 5*-W) mit Gotha
    • Siege 2012: Groot Pries vun de Bundsrepubliek (CSI 3* Düörpm) mit Chaman, Groot Pries vun Rom (CSIO 5*) mit Gotha, 1. Platz in dat Le Saut Hermès Paarspringen vun Paris mit Chiara, Groot Pries vun Valkenswaard (CSI 5*) mit Chaman, Groot Pries vun Mönster (CSI 4*) mit Chaman, Nations Challenge bi dat CSI 5* Rio de Janeiro mit Chaman (Mannschap mit Marco Kutscher mit Cornet's Cristallo), 1. Platz in' Groot Pries vun Hannober mit Chaman
    • Siege 2013: Groot Pries bi den Saut Hermès (CSI 5* Paris) mit Chaman, Göteborg Trophy (Rahmenturnier vun de Weltcupfinals) mit Chaman
  • Utteknungen:


Böker as Herutgever (Utwahl)[ännern | Bornkood ännern]

Literatur[ännern | Bornkood ännern]

  • Susanne Strübel: Ludger Beerbaum. Erfolg ist kein Zufall. Franckh-Kosmos, Stuttgart 1999, ISBN 3-440-07797-7

Weblenken[ännern | Bornkood ännern]

Commons-logo.svg Ludger Beerbaum. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Ludger Beerbaum jetzt alleiniger Rekord-Nationenpreisreiter, Dr. Dennis Peiler up de Websteed vun de Deutschen Reiterlichen Vereinigung (www.pferd-aktuell.de)
  2. FEI-Weltrangliste Springreiten ab der 114. Weltrangliste
  3. aktuelle FEI-Weltrangliste Springreiten
  4. Pferdplus: Ludger Beerbaum aus dem Olympia Rennen, afropen an’ 22. Juli 2013
  5. FEI-Pferdedatenbank: L’Espoir
  6. Ingo Wolff / Der Tagesspiegel:„Dumm, aber ehrlich“, 11. Oktober 2004
  7. Annex II, Equine prohibited list, substances and methods prohibited in-competition
  8. Pressemeldung vun de Deutschen Reiterlichen Vereinigung van' 28. Mai 2009
  9. Pressemeldung vun de Deutschen Reiterlichen Vereinigung van' 22. Juli 2009
  10. Komitee des IJRC (engelsch)
  11. Datenbank up de Websteed vu den IOC Mai 2006
  12. Starportäts: Ludger Beerbaum, Websteed vun de Deutschen Reiterlichen Vereinigung
  13. Erfolge up de Websteed vun Ludger Beerbaum], archiveert Version ut dat Johr 2010
  14. Reiterportraits auf Riderstour.de - Ludger Beerbaum