Markus Beerbaum
Markus Beerbaum (* 16. November 1970 in Aalessen) is en düütsch Springrieder un Trainer.
Sien gröttste sportlichen Erfolge weern de Gewinn vun de Weltmeesterschap in Rom mit de Mannschap 1998 un de Sieg mit de Mannschap bi den Europameesterschapen in Mannheim 1997. Markus Beerbaum is de Bröer vun den Olympiasieger Ludger Beerbaum. He is siet 1998 mit de Springriederin Meredith Michaels-Beerbaum verheiraadt, Enn' Februar 2010 wurr hör gemeensam Dochter boren. De Familie leevt up de Anlaag vun den storven Weltmeester Gerd Wiltfang in Thedinghausen.
Beerbaum stell sien eegen sportlich Karriere achter de Karriere vun sien Ehefru un steiht hör bi Turnieren faken to Siet. Todem konzentreert he sück up dat Training vun anner Rieder as ok up de Utbillen un Verkoop vun Peer.[1] Wiels de Schwangerschaft vun sien Fru hett he hör jüngere Peer reeden.
In de Winterhalfjohren kunn he gröttere Erfolge fiern, sünners mit sien Peerd Leena (so bi dat Weltcupfinale 2007). In' Oktober 2008 geev Leena ehr Afscheed bi de German Classics in Hannober.[2]
Peer
[ännern | Bornkood ännern]- Loredes (*2003), bruun Holsteener Wallach, (Vader: Lordanos, Modervader: Lasino)
Wat he schafft hett (Utwahl)
[ännern | Bornkood ännern]- Sieg in' Grooten Pries vun Stuttgart 1993 mit Almox Alex
- Mannschaps-Europameester 1997 mit Lady Weingard
- Goldmedaille mit de Mannschap bi de Weltmeesterschapen 1998 mit Lady Weingard
- Sieg bi dat Weltcupspringen London 2006 mit Leena
- Sieg bi dat Weltcupspringen Amsterdam 2007 mit Leena
- 3. Platz Weltcupfinale Las Vegas 2007 mit Leena
Weblenken
[ännern | Bornkood ännern]- Offiziell Websteed
- Fanclub vun Meredith Michaels-Beerbaum un Markus Beerbaum
- Körtportrait un Erfolge
Einzelnachweise
[ännern | Bornkood ännern]- ↑ Männer prominenter Frauen, Anette Lache för Der Stern, 12. Oktober 2006.
- ↑ Sieg und Abschied in Hannover – Markus Beerbaum gewinnt mit Leena Championat von Hannover, 25. Oktober 2008