Luc Leblanc

Vun Wikipedia

Luc Leblanc (* 4. August 1966 in Limoges, Frankriek) is en ehmaliger franzöössch Radrennfohrer. In sien Loopbahn hett he 36 Profisiege schafft.

Karriere[ännern | Bornkood ännern]

Leblanc wurr 1987 Profi in dat Team Toshiba-Look-La Vie Claire. In sien eerst Johr wunn he den Prix de Mirebeau un wurr ünner annern Achter bi de Dauphiné Libéré. In dat folgen Johr wurr he bi de Dauphiné Veert un keem bi Paris–Nizza up den sössten Platz.

1990 reck he bi Paris–Nizza för sien nee Team Castorama den darten Platz. 1991 wunn he een Deelstreck bi den Midi Libre un weer an’ Enn’ vun de Runfohrt up den veerten Platz. In dat sülvig Johr nehm he ok eerstmals an de Tour de France deel un keem glieks up Platz 5.

1992 wurr Leblanc franzöösch Straatenmeester, wunn de Midi Libre un keem up den tweeten Platz bi de Dauphiné Libéré. 1993 har he nich völ Spood, doch 1994 fohr he för sien nee Arbeitgever Festina-Lotus sien bit dorhen best Johr. He wunn en Deelstreck bi de Tour de France un belegg in de Gesamtwertung den veerten Platz. In’ Harvst hett he de Vuelta a España up Platz söss afslooten un wunn todem de Bargwertung. Ansluutend kunn he sien bit dorhen gröttsten Sieg fiern: He wunn dat Eenzelrennen vun de Straaten-Radweltmeesterschap in dat italieensch Agrigent vör Claudio Chiapucci un Richard Virenque. In dat sülvig Johr wurr he vun de Sportzeitung L’Équipe to’n Sportler vun Frankriek för dat Johr („Champion des champions“) wählt.

In de ansluuten Saison is he för dat Team Le Groupement fohren. Dat Team weer aber düchtig klamm, todem kreegen se vun de Direktschoon vun de Tour de France kien Inladung för de Frankriek-Rundfohrt. Dat führ dorto, dat Leblanc as amteeren Weltmeester meest gor nich an Rennen deelnehmen kunn und dorüm ok dat Weltmeestertrikot blots selten sehn wurr.

Noch i dat glieker Johr is he to dat Team Polti wesselt. Bi de Tour de France 1996 keem he up den sössten Platz un wunn een Deelstreck. 1998 hett he sien Karriere afslooten as he bi de Tour de France up de Deelstreck nah Les Deux Alpes en Inbröök harr un de anner Dag de Tour upgeven muss. Tovör harr noch en Attacke an den Col du Galibier fohren, de den Führenden Jan Ullrich in Bedrängnis broch.

Doping[ännern | Bornkood ännern]

In’ Toog vun de Festina-Affäär 1998 hett Luc Leblanc in’ Oktober 2000 togeven, siet 1994 dopt to hemm. Sien Titelgewinn bi de Weltmeesterschap 1994 weer aber "sauber" errungen wurrn. In’ Henblick up lateren Spood hett Leblanc disse Inschränkung aber nich maakt.

Teams[ännern | Bornkood ännern]

Weblenken[ännern | Bornkood ännern]