Lochside (Brenneree)

Lochside
Brenneree Lochside (Foto: Colin Smith)
Land	Schottland
Region	Highlands
Tyyp	Malt, Grain
Status	afreten
Besitter
Grünnt	1957
Grünner	Joseph Hobbs
Waterborn	Grundwatersood
Washstill(s)	2
Spiritstill(s)	2

Lochside weer en Whisky-Brenneree in de Stadt Montrose, Angus, Schottland. Se is nich to verwesseln mit de Brenneree ünner glieken Naam, de twüschen 1830 un 1852 in Campbeltown bedreven worrn is.

Historie

De Brenneree is Anfang vun’t 19. Johrhunnert as Broeree (Deuchars-Broeree) grünnt worrn. De is aver 1957 dicht maakt worrn. Dat glieke Johr hett Joseph Hobbs ut den Bedrief en Whiskybrenneree maakt. He hett toeerst en mehr as 20 m hoge Coffey Still inboen laten – en Anlaag, mit de man kostengünstig Grain Whisky produzeren künn. In de eersten johren vun de Destille weer dat dat eenzige Produkt vun Lochside. Later weern twee Groffbrennblasen (wash stills) un twee Fienbrennblasen (spirit stills) inboet, mit de denn ok Malt-Whisky herstellt warrn künn.

1973 is dat Ünnernehmen vun den spaanschen Kunzern Destilerias y Crianza del Whisky övernahmen worrn. 1992 weer de Destille dicht maakt un 1994 an Allied Domecq verköfft. Se ist dorna aver nich wedder apen maakt worrn. 1999 is toeerst dat anslatene Lagerhuus afreten worrn un 2005 denn de hele Anlaag.

Produkschoon

De Brenneree LOchside höör to dat schottische Whiskyrebeet Highlands un hett sien Water för de Produkschoon ut en Grundwatersood nahmen. För de Produkschoon vun Grain-Whisky weer en Coffey still in Bedrief, de Malt-Whisky is in twee wash stills un twee spirit stills brennt worrn. En groten Deel vun den produzeerten Whisky weer to’n Herstellen vun Blend-Whiskys bruukt, sünner för den Macnab’s blend. Man, dat geev ok regelmatig Originalaffüllen as Single Malt, mitünner ok vun unafhangige Affüllers, de mitünner vundaag noch in’n Hannel to kriegen sünd.

Kiek ok

• List vun de schottischen Brennereen

Weblenken

Lochside. Mehr Biller, Videos oder Audiodateien to’t Thema gifft dat bi Wikimedia Commons.