Lintel (Oosterholt-Scharmbeek)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27711 | |
| Vörwahl: | 04791 | |
| Geograafsche Laag: | Koordinaten:53° 13′ N, 8° 47′ O53° 13′ N, 8° 47′ O | |
|
| ||
Lintel (hoochdüütsch Lintel) is en Oort in de Gemeen Oosterholt-Scharmbeek in’n Landkreis Oosterholt, Neddersassen. De Oort is vondaag mit de Stadt Oosterholt-Scharmbeek tohoopwussen.
Geografie
[ännern | Bornkood ännern]Dör Lintel flütt de Wienbeek, de an’n Oostrand von’n Oort in’n Scharmbeker Beek münnt. De Scharmbeker Beek wedder münnt twee Kilometer in’n Süüdoosten von den Oort in de Hamm. In’n Westen liggt dat Naturschuulrebeed Borndaals von’n Wienbeek.
De Naveröörd sünd Scharmbeek in’n Noorden, Oosterholt in’n Oosten, Scharmbeekstotel in’n Süüdwesten un Buschhusen in’n Noordwesten.
Historie
[ännern | Bornkood ännern]In de Franzosentied von 1810 bet 1814 hett de Oort to de Mairie Oosterholt in’n Kanton Oosterholt höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to dat Amt Oosterholt tohöört. Na 1885 weer dat in’n Kreis Oosterholt. 1932 is dat Deel von’n ne’en gröttern Landkreis Oosterholt worrn.
Lintel is an’n 1. Oktober 1936 dör Erlass von’n Oberpräsident von de Provinz Hannover tohoop mit Buschhusen, Hülsbarg un Westerbeek Deel von de Gemeen Oosterholt-Scharmbeek worrn.
Inwahnertall
[ännern | Bornkood ännern]| Johr | Inwahners |
|---|---|
| 1812[1] | 72 |
| 1824[2] | 11 Füürsteden |
| 1848[3] | 102 Lüüd, 11 Hüüs |
| 1. Dezember 1910[4] | 192 |
| 1925[5] | 221 |
Religion
[ännern | Bornkood ännern]Lintel is evangeelsch-luthersch präägt un höört to dat Kaspel von de Willehadi-Kark in Scharmbeek.
För de Kathoolschen is de Hillige-Familie-Kark in Oosterholt-Scharmbeek tostännig.
Weertschop un Infrastruktur
[ännern | Bornkood ännern]An’n Süüdoost-Rand von Lintel liggt dat Klärwark von Oosterholt-Scharmbeek.
Verkehr
[ännern | Bornkood ännern]An Lintel langs löppt de Bundsstraat 74, de in’n Noordoosten üm Oosterholt-Scharmbeek rüm na Bremervöör to geiht un in’n Süüdwesten över Scharmbeekstotel un Hu’e na Bremen-Noord.
De Opfohrt 16 Bremen-Noord op de Autobahn 27/270 liggt so söven Kilometer in’n Süüdwesten von Lintel.
De nächste Bahnhoff is so bi twee Kilometer wied weg in’n Noordoosten in Oosterholt-Scharmbeek an de Bahnlien Bremen–Bremerhoben.
Footnoten
[ännern | Bornkood ännern]- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 105: http://books.google.de/books?id=Q 5OAAAAcAAJ&pg=PA105
- ↑ C. H. Jansen: Statistisches Handbuch des Königreichs Hannover. 1824, Sied 376: http://books.google.de/books?id=tG0AAAAAcAAJ&pg=PA376
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 138: http://books.google.de/books?id=eOI-AAAAcAAJ&pg=PA138
- ↑ http://www.gemeindeverzeichnis.de/gem1900/gem1900.htm?hannover/osterholz.htm
- ↑ http://www.verwaltungsgeschichte.de/osterholz.html