Lennie Hayton

Leonard George "Lennie" Hayton (* 13. Februar 1908 in New York City; † 24. April 1971 in Palm Springs, Kalifornien) weer en US-amerikaansch Pianist un Arrangeur vun den Swing as ok Filmkomponist.

Leven

Lennie Hayton arbeit to Anfang vun sien Karriere 1926 bi de Little Ramblers un weer van 1928 bit 1930 tweet Pianist in dat Paul Whiteman Orchestra. Ok nehm he Enn’ vun de 1920er Johren bi Frank Trumbauer, Bix Beiderbecke, Red Nichols, Joe Venuti un annern up. Anfang vun de 1930er Johren wark he as Arrangeur för de Radioshows vun Bing Crosby, in de ok Benny Goodmans un Tommy Dorseys Orchester vörstellt wurrn. Mit en eegen Orchester, dat twalf bit twintig Musiker umfaaten dee, gung Hayton van 1937 bit 1940 up landswiet Tourneen.

1940 wurr he musikaalsch Direkter bi de Schallplattenfirma MGM un hett dor besünners de Filmmusik betreut. 1947 hett he de Singerin Lena Horne heiraadt, för de he Arrangements schreev un mit de he Tourneen in de 1950er Johren ünnernehm. Bit to sien Utscheeden in dat Johr 1953 kreeg he veer Academy Award Nomineeren: för de Judy Garland Musicals The Harvey Girls (1946) un The Pirate (1948), un twee för de Verfilmung vun de Musical-Klassiker On the Town (1949) - för de he den Academy Award wunn - un Singin' in the Rain (1952). För dat Barbra Streisand Musical Hello, Dolly!, kreeg he en tweeten Oscar.

Sien letzt Filmkompositschoon entstunn 1968 för den Robert Wise-Film Star! In dat Johr 1970 arrangeer he för Frank Sinatra den George Harrison Titel Something.

Privates

He weer siet 1947 mit Lena Horne verheiraadt.

Filmografie (Utwahl)

• 1949: On the Town (dt.: Heut’ gehn wir bummeln)
• 1952: Love is Better Than Ever (dt.: Die süße Falle) mit Elizabeth Taylor
• 1969: Hello, Dolly!

Born

• Leonard Feather, Ira Gitler: The Biographical Encyclopedia of Jazz. Oxford University Press, Oxford usw. 1999; ISBN 978-0-19-532000-8
• John Jörgensen & Erik Wiedemann: Jazzlexikon. Mosaik, München ca. 1960
• Leo Walker: The Big Band Almanac. Ward Ritchie Press, Pasadena. 1978

Weblenken

• Lennie Hayton in de Internet Movie Database (engelsch)