Lüttzikaden

Vun Wikipedia
Zur Navigation springen Zur Suche springen
Lüttzikaden
Gröne Blattzikade (Empoasca decipiens)
Systematik
Stamm: Liddfööt (Arthopoda)
Ünnerstamm: Tracheendeerter (Tracheata)
Böverklass: Sessfööt (Hexapoda)
Klass: Insekten (Insecta)
Ünnerklass: Fleeginsekten (Pterygota)
Böverornen: Neeflunken (Neoptera)
Ornen: Snavelinsekten (Hemiptera)
Ünnerornen: Zikaden (Auchenorrhyncha)
Infraornen: Singzikaden (Cicadomorpha)
Familie: Lüttzikaden (Cicadellidae)
Wetenschoplich Naam
Cicadellidae
Latreille, 1825

Lüttzikaden oder Blattjumpers (Cicadellidae) sünd en Familie mank de Insekten. Se höört to de Unnerornen vun de Zikaden (Auchenorrhyncha) mit to. Midderwielen sünd al bi 20.000 Aarden beschreven.[1]To de Lüttzikaden höört u.a. de Blattzikaden mit to, dormank ok de Gröne Blattzikade (Empoasca decipiens), de ok in Europa wiethen vorkamen deit.

Kennteken[ännern | Bornkood ännern]

Dat Lief is slank un vun 0,3 mm bit hen to 2 cm groot. Meist sünd de Lüttzikaden bruun oder gröön in'e Farv, towielen mit dannige bunte Striepen oder Stippels.

Wie se leven doot[ännern | Bornkood ännern]

Lüttzikaden suugt Plantenssapp. Dor sünd ehre Mundwarktüge to ummuddelt to en Suugrüssel. Se sünd leifig togange: Utwussene Deerter jumpt oder fleegt glieks weg, wenn se ok bloß man en beten stöört weert. De Nymphen, de noch keen Flunken hefft, loopt slank na de Schaddensieten vun en Blatt oder Nadel hen.Vundeswegen kriggt een dat meist gor nich mit, wenn enerwegens Lüttzikaden togange sünd.

Wie se sik vermehren doot[ännern | Bornkood ännern]

Dat Leggels besteiht ut Hunnerte vun Eier. De weert over 6 bit 8 Weken hen leggt.

Wie se Planten schaden doot[ännern | Bornkood ännern]

En Reeg vun Aarden is schäädlich in'n Goornboo un Bueree. Sunnerlich in Drievhüser könnt se in Massen vorkamen. De Schaden besteiht toeerst ut Freetschaden. De ütert sik in lüttje Stippels, de all in'e Reegen liggt. Man Lüttzikaden könnt ok Plantenkrankheiten overdregen. Unner de Planten, wo se bigaht, sünd Ries, Mais, Kattuun un Zuckerrohr.

Belege[ännern | Bornkood ännern]

  1. [1] Geïntegreerde bestrijding van cicaden in de glastuinbouw, Juliëtte Pijnacker et al - Universiteit van Wageningen

Weblenken[ännern | Bornkood ännern]

Commons-logo.svg Lüttzikaden. Mehr Biller, Videos oder Audiodateien to’t Thema gifft dat bi Wikimedia Commons.