Gröne Blattzikade

Vun Wikipedia
Gröne Blattzikade
Empoasca decipiens
Systematik
Stamm: Liddfööt (Arthopoda)
Ünnerstamm: Tracheendeerter (Tracheata)
Böverklass: Sessfööt (Hexapoda)
Klass: Insekten (Insecta)
Ünnerklass: Fleeginsekten (Pterygota)
Böverornen: Neeflunken (Neoptera)
Ornen: Snavelinsekten (Hemiptera)
Ünnerornen: Zikaden (Auchenorrhyncha)
Infraornen: Singzikaden (Cicadomorpha)
Familie: Lüttzikaden (Cicadellidae)
Geslecht: Empoasca
Oort: Gröne Blattzikade
Wetenschoplich Naam
Empoasca decipiens
Paoli, 1930

De Gröne Blattzikade (Empoasca decipiens) is en Aart mank de Blattzikaden (Cicadellidae). Se höört to de Familie vun de Lüttzikaden (Typhlocybinae) mit to. Düsse Aart is nich roor un leevt in grote Deele vun Europa, in den Osten vun de Paläarktis, in Noordafrika, in Nahoost un in Afrika siene Tropen.

Empoasca cf. decipiens

Wenn de Deerter utwussen sünd, sünd se 3-4 Millimeters lang. Dat Lief is hellgröön, de Vörflunken sünd dörsichtig blassblau. Se könnt good flegen, man meist jumpt se lever weg. Adulte Deerter sünd sunnerlich vun Junimaand bit hen na’n Dezember an de Unnersieten vun Blöder vun leege Planten to finnen.

Nymphen un ok adulte Deerter weert as groot Untüüch up allerhand Feldfrucht un ok up Grööntüüch in Drievhüser ankeken. Dat gifft allerhand Planten, wo se up togange sünd un de as Weerte bruukt weert, as allerhand Bohnen, Arften, Tuffeln, Tomaten, Aubergine, Gurken, Röven un ok Kattuun. Dat kann bit hen to tein Generatschonen in een Johr geven, man dat hangt vun de Temperatur un vun dat Umto af. Veermol treckt se as en Nymphe de Huud ut. De Nymphen slaht al bannig na de Olen, man eerst na dat veerte Mol Huuduttrecken hefft se Flunken. Overwintern deit se as adulte Zikade up wintergröne Planten.

Unneraard[ännern | Bornkood ännern]

  • Empoasca decipiens minutissima Vilbaste, 1961

Literatur[ännern | Bornkood ännern]

  • Anufriev G. A. - The genus Empoasca Walsh, 1864 (Homoptera, Cicadellidae, Typhlocybinae) in the Soviet Maritime Territory // Ann. zool. 1973. T. 30, N 18. P. 537—558.
  • Dworakowska I. Kybos Fieb. - Subgenus of Empoasca Walsh (Auchenorrhyncha, Cicadellidae, Typhlocybinae) in Palaearctic. //Acta zool. crac. 1976. T. 21. N 13. P. 387—463
  • Mahmoud, Y.A., Amr, E.M. and Ebadah, I.M.A. - Some Ecological Behaviors of the Leafhopper, Empoasca decipiens (Paoli) on Some Winter Plantations in Egypt - J. Basic. Appl. Sci. Res., 1(2)88-94, 2011

Weblenken[ännern | Bornkood ännern]