Lünkhusen

Vun Wikipedia

Lünkhusen or Lünksel (hoochdüütsch Lüdinghausen) is een lütte Stadt in't Mönsterland un ligg an de Bunnesstraaten 58 (van Haltern nao Askebiärg) un 235 (van Castrop-Roxel nao Mönster). Burg Vischering un Burg Lünkhusen sünd in't Centrum van de Stadt un wiesen de fröhere Bedüdung van de Stadt. De kathoolsche Kerk St. Felizitas is een prächtiger Bu un Middelpunkt van't städske Liäwen. Lünkhusen hett ok noch een Krankenhus un een Snapsdestillerie, de glieks bineffen de Bahnhoff is. Dör de Stadt slängelt sik de Stever, de miähr een Bierk äs'n Stroom is. Föhrt een de B 58 in Richtung Westen, kümmt he över'n Düörpm-Ems-Kanol nao Siäpro (Seppenrade), dat fröher maol eegenstäödig was. Hier is de gröttste Ammonit van Westfaolen funnen wuorn. De kathoolsche Kerk St. Dionysius is Middelpunkt van't Rausenduorp, wu Siäpro nannt werd.