Lännerdomään

Lännerdomääns (ccTLD, vun engelsch country code top-level domain) sünd Topplevel-Domääns, de in Internett-Adressen för bestimmte Territorien op de Eerd staht. Dat sünd de unafhängigen Staten, aver ok Territorien, de en gewissen besünnern Status hebbt, so as vele Översee-Rebeden, as de Cook-Eilannen oder de Åland-Eilannen, oder ok annere Rebeden, so as Antarktika oder de Europääsche Union.

Disse Domääns sünd jümmer twee Bookstaven lang un in de Regel de glieken as de ISO 3166-1 alpha-2-Koods för de Länner (Utnahmen staht neern). De Lännerdomääns vergeven deit de IANA. Dat Vergeven vun de enkelten Ünnerdomääns vun de Topplevel-Domääns hett de IANA för jede Lännerdomään an verschedene Institutschonen afgeven, de de Vergaav enkelt regeln doot. De Regeln, ’keen Domääns registreren dröff oder woveel dat köst, köönt so vun Land to Land ganz verscheden wesen.

Utnahmen vun Domääns, de nich to de ISO-3166-1-Koods passen doot

In de Regel sünd de Domääns de glieken as de ISO 3166-1 alpha-2-Koods för de Länner. De Kood för de Westsahara (.eh) un för Noordkorea (.kp) sünd aver nienich as Domääns inricht worrn. En poor annere Lännerdomääns sünd offiziell inricht, aver dat gifft kene registreerten Domääns, to’n Bispeel bi .bv för dat Bouvet-Eiland oder bi .sj för Spitzbargen. Grootbritannien hett as ISO-Kood GB, bruukt aver as Lännerdomään .uk. Ünner .gb is blot ene enkelte Domään anmellt un kene ne’en warrt mehr annahmen.

Bi welk annere Lännerdomääns gifft dat kene Domään de dorto passt.

• .uk warrt ut histoorsche Grünn bruukt. Dat schull later to .gb ännert warrn, hett sik aver nich dörsett.
• .su för de Sowjetunion warrt noch jümmer bruukt, ofschoonst de Staat siet 1991 nich mehr is un de ISO-Kood nich mehr gellt.
• .ac för Ascension. Ascension hett keen ISO-Kood, aver 1996 hett de IANA Verlööf geven, dat welk Koods, de na ISO nich offiziell weren, aver in de Reserve-List stünnen, dat de Weltpostvereen se bruken kunn, ok bruukt warrn dröfft. Dat sülve gell för .gg (Guernsey), .im (Man) un .je (Jersey), de aver 2006 ISO-Koods kregen hebbt.
• .eu för de Europääsche Union. 2000 hett IANA Verlööf för noch annere Reserve-Koods geven. Dat dee blot de EU bedrepen.
• .yu för Jugoslawien weer ok in de Tiet vun Serbien un Montenegro noch de Domään för dat Land. As Serbien un Montenegro uteneen güngen, hebbt se ne’e Domääns kregen un .yu schall nu utlopen.

Bet nu sünd blot twee Domääns komplett ut dat System nahmen: .zr för Zaire und .cs för de Tschechoslowakei. Mit Zaire weer dat 1997 vörbi, aver eerst 2001 is .zr ut dat System rutnahmen worrn.

List

Lännerdomääns

aktiv:  .ac  .ad  .ae  .af  .ag  .ai  .al  .am  .an  .ao  .aq  .ar  .as  .at  .au  .aw  .ax  .az  .ba  .bb  .bd  .be  .bf  .bg  .bh  .bi  .bj  .bm  .bn  .bo  .br  .bs  .bt  .bw  .by  .bz  .ca  .cc  .cd  .cf  .cg  .ch  .ci  .ck  .cl  .cm  .cn  .co  .cr  .cu  .cv  .cx  .cy  .cz  .de  .dj  .dk  .dm  .do  .dz  .ec  .ee  .eg  .er  .es  .et  .eu  .fi  .fj  .fk  .fm  .fo  .fr  .ga  .gd  .ge  .gf  .gg  .gh  .gi  .gl  .gm  .gn  .gp  .gq  .gr  .gs  .gt  .gu  .gw  .gy  .hk  .hm  .hn  .hr  .ht  .hu  .id  .ie  .il  .im  .in  .io  .iq  .ir  .is  .it  .je  .jm  .jo  .jp  .ke  .kg  .kh  .ki  .km  .kn  .kr  .kw  .ky  .kz  .la  .lb  .lc  .li  .lk  .lr  .ls  .lt  .lu  .lv  .ly  .ma  .mc  .md  .mg  .mh  .mk  .ml  .mm  .mn  .mo  .mp  .mq  .mr  .ms  .mt  .mu  .mv  .mw  .mx  .my  .mz  .na  .nc  .ne  .nf  .ng  .ni  .nl  .no  .np  .nr  .nu  .nz  .om  .pa  .pe  .pf  .pg  .ph  .pk  .pl  .pn  .pr  .ps  .pt  .pw  .py  .qa  .re  .ro  .ru  .rw  .sa  .sb  .sc  .sd  .se  .sg  .sh  .si  .sk  .sl  .sm  .sn  .sr  .st  .sv  .sy  .sz  .tc  .td  .tf  .tg  .th  .tj  .tk  .tl  .tm  .tn  .to  .tr  .tt  .tv  .tw  .tz  .ua  .ug  .uk  .us  .uy  .uz  .va  .vc  .ve  .vg  .vi  .vn  .vu  .wf  .ws  .ye  .yu  .za  .zm  .zw reserveert:  .eh  .kp  .me  .rs  .um in’t System, aver nich bruukt:  .bv  .pm  .sj  .so  .yt an’t Utlopen:  .su  .tp nich mehr bruukt:  .bu  .cs  .dd  .gb  .zr

Weblenken

• Websteed vun de IANA (engelsch)