Kurt Gravemeier

Vun Wikipedia
Zur Navigation springen Zur Suche springen

Kurt Gravemeier (* 23. September 1957 in Lengerich (Westfalen)) is en ehmalger düütsch Springrieder un ehmalger Bundstrainer vun de düütsch Springrieder.

Loopbahn as Rieder[ännern | Bornkood ännern]

As Gravemeier acht Johr old weer, fung he mit dat Rieden an. He kreeg de Utbillen vun sien Vader. Mit 15 Johr wurr he Westfalenmeester in de Dressur. To glieker Tiet hett he aber ok sien eerst S-Springen maakt un hett beslooten, sück ganz up den Springsport to konzentreeren. Bi Herbert Meyer hett he sien Utbillen to’n Peerwert maakt. 1988 wurr he Gestütsleiter bi Hendrik Snoek. Een vun sien gröttsten Spood as Rieder weer de Sieg bi den Grooten Pries vun de Bundsrepublik Düütschland 1992 in Düörpm. Kurt Gravemeier hett an 33 Natschonenpries deelnommen. 1995 hett he sien Loopbahn ut gesundheitlich Grünnen afslooten.

Loopbahn as Trainer[ännern | Bornkood ännern]

Van 1997 bit 2000 weer Gravemeier Bundstrainer vun de Junioren un Jung Rieder un dornah bit 2008 Bundstrainer vun de düütsch Springrieder. Af 2013 is he Trainer vun de belgisch Springrieder.[1]

Privates[ännern | Bornkood ännern]

Kurt Gravemeier is verheiraadt un hett dree Kinner. He leevt in Sendenhorst in Noordrhien-Westfalen.

Spood[ännern | Bornkood ännern]

  • 1973: 3. Platz bi de Junioren-Europameesterschapen in de Mannschap
  • 1975: 2. Platz bi de Junioren-Europameesterschapen in de Mannschap
  • 1992: 1. Platz in’ Grooten Pries vun de Bundsrepublik Düütschland

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. http://sport.t-online.de/kurt-gravemeier-uebernimmt-belgische-springreiter/id_62279146/index