Herbert Meyer (Springrieder)

Vun Wikipedia
Zur Navigation springen Zur Suche springen

Herbert Meyer (* 14. Februar 1939) is en ehmalger düütsch Springrieder un weer Bundstrainer vun de düütsch Springrieder.

Da Rieden hett Herbert Meyer bi sien Vader Hinrich as ok bi Josef Meyer, en ehmalgen Kavalleristen lernt. Sien wiedere Utbillen kreeg he an de Riedakademie München-Riem, wo Prinz Friedrich von Hannover sien Chef un Hans-Heinrich Brinckmann sien wichtigst Betoogperson wurr. In jung Johren hett Meyer ok Völsiedigkeitsrieden maakt.

Herbert Meyer hett in 10 Natschonenpries reeden. An de Olympisch Spelen 1968 kunn he nich deelnehmen, wiel jüst in dat Johr sien best Peerd, Deichgraf, an Krebs ingung. Nah eegen Utsaag, harr he mit dat Peerd de Qualifikatschoon för de Olympisch Spelen woll schafft.[1]

Seit 1969 weer he denn Bundstrainer in den Juniorenberiek. 1985 wurr he Nahfolger vun Hermann Schridde, de to Dood kommen weer, as leiden Bundstrainer vun de düütsch Springrieder. Dat Amt harr he bit to de Olympisch Spelen 2000 in Sydney. Ünner sien Regie wurrn fiev olympisch Goldmedaillen, dree Titel bi Weltmeesterschapen un ok dree bi Europameesterschapen wunnen.[2] Dormit tellt he to de spoodriekst Bundstrainers vun all Sportoorten in Düütschland.

In’ März 1989 kreeg he den Titel "Reitmeister".[3]

Enkeld Nahwiesen[ännern | Bornkood ännern]

  1. http://derstandard.at/?url=/?id=1118013 Der Standard v. 30. Oktober 2002
  2. http://www.stuttgart-german-masters.de/deutsch/presse2000/presse_102400_abschied.htm
  3. Liste der bisherigen Reit- und Fahrmeister, Deutsche Reiterliche Vereinigung, Stand November 2006