Krystyna Guzik

Vun Wikipedia
Krystyna Guzik

Krystyna Stanisława Guzik, borene Pałka, (* 16. August 1983 in Zakopane) is en poolsch Biathletin, de för den KS AZS-AWF Katowice startet.

Erstmals is se bi de Biathlon-Weltmeesterschapen 2004 in Oberhof an den Start gahn un keem mit de poolsch Staffel up Rang 8.

Bei de Weltmeesterschapen 2005 belegg se Platz 20 över 15 km. In den Biathlon-Weltcup 2004/2005 keem se up Platz 61 in de Gesamtwertung un in de folgend Saison up Platz 43.

Pałka is bi de Olympisch Winterspelen 2006 in Cesana San Sicario antreeden un keem in dat Eenzel över 15 km up den fievten Platz un mit de Staffel up Platz söben. In de Biathlon-Saison 2006/07 bleev se up Platz 45. Bi de Biathlon-Weltmeesterschapen 2007 reck se mit de poolsch Staffel den 10. Platz un in' Massenstart up Platz 17.

Bi de Biathlon-WM 2008 reck dat für de poolsch Staffel weer to Platz 7 un een Johr later sprung sogor de sösste Platz herut.

In der Saison 2007/2008 reck se in' Weltcup twee achte Plätze in' Sprint un in de Verfolgung in Trondheim. Dat broch hör letztlich up Platz 31 in de Weltcup-Saison 2007/2008. In de folgend Saison keem se mit de poolsch Staffel sogor eenmal up den darten Platz, aber in de Endafreeken nich ünner de best 20. In de Saison 2009/10 keem se an' Enn' weer up Platz 45.

Krystyna Pałka hett an de Olympisch Winterspelen 2010 deelnommen. Hör best Resultat dor weer Platz 15 in't Eenzel. Mit de Staffel keem se up den 12. Platz.

In de Saison 2012/13 keem se in den Verfolgungsweltcup up den 10. Platz un in den Gesamtweltcup up Platz 14 un mit de poolsch Damenstaffel den 7. Platz. Hör best Platzeeren bi en eenzelt Rennen weer dorbi Platz 5. Bi de Biathlon-Weltmeesterschapen 2013 keem se in den Sprint up den 7. Platz un in de Verfolgung reck se de Sülvermedaille achter Tora Berger aber vör Olena Pidhruschna. In den Massenstart reck se dorto noch mal den 7. Platz.

Siet Sömmer 2014 is Pałka mit Grzegorz Guzik verheiraadt un is af dissen Tietpunkt ünner de Naam Guzik antreeden. In dat glieker Johr hett se bi de Sömmerbiathlon-Weltmeesterschapen in Tjumen gemeensam mit Teja Gregorin de Goldmedaille in' Sprint för de Chinesin Tang Jialin wunnen. Bi de Biathlon-Weltmeesterschapen 2015 keem se in' Sprint up Platz 5 un in de Verfolgung up Platz 8.

De Biathlon-Weltcupsaison 2015/2016 weer bitlang hör best. In den Gesamtweltcup keem se up Rang 10, ebenso in den Sprint-Weltcup un in den Eenzel-Weltcup reck se sogor den 7. Platz. Hör best Eenzelplatzeeren weer dorbi Platz 2 in den Sprint vun Canmore. Bi de Biathlon-Weltmeesterschapen 2016 keem se in dat Eenzelrennen up Platz 7 und mit de Fruenstaffel sogor up den 4. Platz.

Der Folgesaison leep denn dorför bedüüdend schlechter. Platz 63 sprung för hör blots in den Gesamtweltcup herut. Hör best Platzeeren weer Platz 11 in den Sprint vun Oberhof. Bi de Biathlon-Weltmeesterschapen 2017 reck se mit de poolsch Daamenstaffel den 7. Platz, wobi see as eenzige vun hör Mannschap ahn Scheetfehler bleev.

Weblenken[ännern | Bornkood ännern]