Kraken an sik

Vun Wikipedia
Zur Navigation springen Zur Suche springen
Kraken an sik
Eenfachen Kraken (Octopus vulgaris)
Systematik
Ünnerriek: Veelzellers (Metazoa)
Afdeel: Geweevdeerter (Eumetazoa)
Ünnerafdeel: Bilateria
Böverstamm: Lophotrochozoen (Lophotrochozoa)
Stamm: Weekdeerter (Mollusca)
Klass: Koppfööt (Cephalopoda)
Ünnerklass: Dintenfische (Coleoidea)
Böverornen: Achtarm-Dintenfische (Vampyropoda)
Ornen: Kraken (Octopoda)
Familie: Echte Kraken (Octopodidae)
Geslecht: Kraken an sik (Octopus)
Wetenschoplich Naam
Octopus
Cuvier, 1797
Wie en Oktopus utsütt (Bild: Octopus bimaculatus)

De Kraken an sik oder Oktopusse (Octopus) sünd mit mehr as hunnert Aarden dat gröttste Geslecht mank de Familie vun de Echten Kraken.

De Naam Oktopus[ännern | Bornkood ännern]

De Naam Oktopus is en Tosamenstellen vun dat latiensche octo for acht (greeksch οχτώ) und dat greeksche πούς, ποδός (pous, podos) for Foot. De Naam bedutt also „Achtfoot“.

Kennteken[ännern | Bornkood ännern]

Allerhand Aarden sünd wetenschopplich noch nich beschreven. Dat gifft woll en Reeg vun gemeensome Kennteken bi de enkelten Aarden, man dat is nich kloor, wat nu utgerekent düt Geslecht tosamenhollt. Wat de Aarden deelt, is meist bloß de Naam „Oktopus“. Bit de wetenschoppliche Taxonomie nee upstellt wurrn is, blifft dat avers bi de Systematik, de bitherto bruukt wurrn is. All Aarden mank de Kraken an sik hefft twee Regen vun Suugproppens an ehre Arms. Ok en Achtergatt un en Dintenbüdel gifft dat. Bi jem all tohopen is de drüdde Arm de Hectocotylus.[1] Dat gifft Deerter mank de Kraken an sik, de weert länger, as een Meter. De lüttjeste Aart is Octopus wolfi, de man bloß bi tein Zentimeters meten deit. Ok in’e Farven verscheelt se sik bannig.

Wo se leven doot[ännern | Bornkood ännern]

De allerhand Aarden vun de Kraken an sik sünd in all Ozeane tohuse un in all Klimazonen up’e Eer antodrepen. Se hoolt sik in ganz verscheden Umto up, as Felsen- un Korallenriffe, Seegraswischen un Algenbedden, up Sand, Slick un annere weeke Unnergrünne.[2] De meisten Kraken an sik leevt an’n Grund vun de See.

Histoorsche Systematik[ännern | Bornkood ännern]

  • De beiden Aarden Octopus nocturnus un Octopus ornatus sünd in dat Johr 2014 nee in dat Geslecht Callistoctopus insorteert wurrn.
  • De Aart Octopus filosus is desülvige, as Octopus hummelincki un is vundswegen ut de Systematik utstreken wurrn.

Systematik[ännern | Bornkood ännern]

Belege[ännern | Bornkood ännern]

  1. Cephalopods of the world. An annotated and illustrated catalogue of cephalopod species known to date (S. 187)
  2. Octopodidae - Artikel bi Tree of Life

Weblenken[ännern | Bornkood ännern]

Commons-logo.svg Kraken an sik. Mehr Biller, Videos oder Audiodateien to’t Thema gifft dat bi Wikimedia Commons.