Dintenbüdel

Vun Wikipedia
Zur Navigation springen Zur Suche springen

Dintenbüdel, Blackbüdel oder Enktbüdel warrt en Organ bi de Koppfööt nömmt, sunnerlich bi de Dintenfische, wo „Dinte“, „Black“ oder „Enkt“ in spiekert warrt. Wenn dat Deert bange is oder in Gefohr, kann de Dinte dör en Trechter utstott weern. Wenn de Angrieper denn dör'nanner is un nich weet, wo de Dintenfisch steken deit, kann he achter de swatte Waterwulken utbüxen. Dat gifft hen un wenn ok roore Dintenbüdels, de sünd fossil up us tokamen. De brune Schriefdinte Sepia hett ehren Naam vun de Echten Dintenfische, de mit ehre wetenschopplichen Naams „Sepiida“ nömmt weert.